अकोल्यातही कांद्याला सर्वाधिक भाव

अकोले : अकोले येथील कृषी उत्पन्न  बाजार समितीमध्ये गुरुवारी कांद्याची चांगली  आवक  झाली. एक नंबर कांद्याला भावही 2251 रुपये प्रतिक्विंटलचा भाव मिळाला.

अकोले बाजार समितीत कांद्याचे लिलाव झाले. यावेळी तालुक्यासह इतर तालुक्यातून कांद्याची आवक झाली. एक नंबर कांद्याला 2251 रुपयांचा भाव प्रतिक्विंटल मिळाला. 

एक नंबर कांदा 1851 ते 2251, दोन नंबर कांदा 1601 ते 1851, तीन नंबर कांदा 1251ते 1651, गोल्टी कांदा 951 ते 1500, खाद 200 ते 600 प्रमाणे प्रतिक्विंटल बाजार भाव मिळाले आहेत.

शेतकरी वर्गाने आपला कांदा योग्य बाजार भाव मिळण्यासाठी  लिलावाच्या दिवशी  सकाळी सात ते 11 वाजेपर्यंत कांदा 50 किलो बारदान गोणीत, वाळवून, निवड  करुन बाजार समितीमध्ये विक्रीसाठी  बाजार समितीच्या आवारात आणावा.                                                                                        बाजार आवारात प्रवेश करताना प्रवेशद्वारावरच प्रत्येकाने हाताला सॅनेटाईज करणे, नाकाला व तोंडाला मास्क लावणे, बाजार आवारात कुणीही थुंकू नये, सोशल डिस्टनसिंग या नियमांचे काटेकोरपणे पालन  करावे, असे आवाहन बाजार समितिचे सभापती परबतराव नाईकवाडी, उपसभापती भरत देशमाने, संचालक व सचिव अरुण आभाळे यांनी केले आहे.