संगमनेर, पारनेर, नेवासे अन् राहात्यात चिंता कायम

नगर ः जिल्ह्यातील कोरोना बाधितांचा आकडा कधी कमी जर कधी जास्त होत आहे. दिवसभरात 630 बाधित आढळून आलेले आहेत. यामध्बुये संगमनेर, पारनेर, नेवासे व राहात्यात सर्वाधिक रुग्ण आढळून आलेले आहेत.

जिल्ह्यात कोरोनाचा प्रादुर्भाव आटोक्यात यावा, यासाठी जिल्हा प्रशासनाचे प्रयत्न सुरु आहे. या प्रयत्नांवर काही बेफिकिरांकडून पाणी फेरण्याचे काम सुरु आहे. प्रशासनाने जारी केलेल्या आदेशात कोरोना प्रतिबंधात्मक उपाययोजनांची अंमलबजावणी केली जात नसल्याने अनेकदा समोर आलेले आहे.

जिल्हा रुग्णलयाच्या तपासणी अहवालात 111, खासगी तपासणीत 279 तर रॅपिड चाचणीत 240 जण बाधित आढळून आलेले आहेत. यामध्ये संगमनेर तालुक्यात  सर्वाधिक 104 रुग्ण बाधित आढळून आलेले आहेत. 

दुसर्यास्थानी आज पारनेर तालुक्याने झेप घेतलेली आहे. पारनेर तालुक्यात 53 बाधित आढळून आलेले आहे. तिसर्यास्थानी नेवासा व राहाता तालुका असून या दोन्ही तालुक्यात प्रत्येकी 51 जण बाधित आढळून आलेले आहेत.  नगर शहरात बाधितांचा आकडा तसा आटोक्यात आलेला आहे. दिवसभरात नगर शहरात 19 बाधित आढळून आलेले आहेत.