अमर छत्तीसे
श्रीगोंदा : विकास कामांमध्ये महिला नेहमीच अव्वलस्थानी असतात. श्रीगोंदा तालुक्यातील आढळगाव, कोळगाव व येळपणे गटात महिला पदाधिकार्यांनी विकासाचे भरीव काम केलेले आहे, असे प्रतिपादन डॉ. प्रतिभाताई बबनराव पाचपुते यांनी केले.
कोळगाव जिल्हा परिषद गट अंतर्गत, जिल्हा परिषद सदस्य तारा दिनकर पंधरकर यांच्या स्थानिक विकास निधीतून घारगाव व कोथूळ या ठिकाणी विविध विकास कामांचे उद्घाटन डॉ. प्रतिभाताई बबनराव पाचपुते यांच्या हस्ते करण्यात आले.
यावेळी जिल्हा परिषद सदस्य तारा पंदरकर, दिनू पंदरकर, बाळासाहेब महाडिक, संदीप नागवडे, संतोष लगड, माजी सभापती भैय्यासाहेब लगड, अनुजा गायवाकड, शहाजीराव हिरवे, नितीन आण्णा नलगे, संकेत जंजीरे, डॉ. चंद्रशेखर कळमकर, अरुणा रमेश खोमणे, सोपान शिंदे, रघुनाथ अण्णा खामकर, रामदास झेंडे, तसेच घारगाव व कोथुळ मधील ग्रामस्थ व कार्यकर्ते उपस्थित होते.
पाचपुते म्हणाल्या कि, माजी जिल्हा परिषद सदस्य दिनू पंदरकर यांनी कोळगाव जिल्हा परिषद गटामध्ये अत्यंत उत्कृष्ट काम करून लोकांचा विश्वास संपादन केला. त्यांच्याच पावलावर पाऊल ठेऊन त्यांच्या सुविद्य पत्नी व सद्य जिल्हा परिषद सदस्या तारा पंदरकर यांनी कामांचा धडाका लावला आहे.
आढळगाव गटाच्या जिल्हा परिषदेच्या सदस्या पंचशीला गिरमकर व येळपणे गटाच्या जिल्हा परिषद सदस्या कोमल वाखारे यांनीही आपापल्या गटांमध्ये भरीव विकास कामे नावलौकीक मिळवला आहे. हे पाहता महिला कुठल्याही क्षेत्रात पुरुषांपेक्षा कमी नसून अव्वल आहेत. हे मान्यच करावे लागेल, असे त्या.म्हणाल्या.
Post a Comment