संगमनेर, पारनेर अन् राहात्यात चिंता कायम

नगर ः जिल्ह्यातील कोरोना बाधितांचा आकडा कधी कमी जर कधी जास्त होत आहे. दिवसभरात 743 बाधित आढळून आलेले आहेत. यामध्ये संगमनेर, पारनेर, अन् राहात्यात सर्वाधिक रुग्ण आढळून आलेले आहेत.

जिल्ह्यात कोरोनाचा प्रादुर्भाव आटोक्यात यावा, यासाठी जिल्हा प्रशासनाचे प्रयत्न सुरु आहे. या प्रयत्नांवर काही बेफिकिरांकडून पाणी फेरण्याचे काम सुरु आहे. पोलिस प्रशासनाकडून मास्क न वापरणाऱ्यांवर दंडात्मक कारवाई केली जात आहे. मात्र मास्क न वापरणार्यांची संख्या कमी होताना दिसून येत नाही. 

जिल्हा रुग्णलयाच्या तपासणी अहवालात 221, खासगी तपासणीत 286 तर रॅपिड चाचणीत 236 जण बाधित आढळून आलेले आहेत. यामध्ये संगमनेर तालुक्यात  सर्वाधिक 154 रुग्ण बाधित आढळून आलेले आहेत. 

दुसर्यास्थानी आज पारनेर तालुक्याने झेप घेतलेली आहे. पारनेर तालुक्यात 86 बाधित आढळून आलेले आहे. तिसर्यास्थानी राहाता तालुका असून राहात्यात 63 जण बाधित आढळून आलेले आहेत.  नगर शहरात बाधितांचा आकडा तसा आटोक्यात आलेला आहे. दिवसभरात नगर शहरात 15 बाधित आढळून आलेले आहेत.