राहाता ः राहाता बाजार समितीत कांद्याच्या सुमारे साडे सहा हजार कांदा गोण्यांची आज (शुक्रवारी) आवक झाली. एक नंबर कांद्याच्या भावात गुरुवारपेक्षा आज शुक्रवारी 200 रुपयांनी वाढ झाली. गेल्या अनेक दिवसातील हा विक्रमी भाव ठरली आहे. राहात्यात एक नंबर कांद्याला 2500 रुपयांचा प्रतिक्विंटल भाव मिळाला.
राहाता बाजार समितीत कांद्याच्या सहा हजार 319 कांदा गोण्यांची आवक झाली. गुरुवारीवारी एक नंबर कांद्याला 2300 रुपये भाव मिळाला होता. आज त्यात 200 रुपयांनी वाढ होत 2500 रुपये क्लिंटलचा भाव मिळाला.
कांद्याचे प्रतवारीनुसार भाव ः एक नंबर कांदा ः 2100 ते 2500, दोन नंबर कांदा ः 1550 ते 2050, तीन नंबर कांदा ः 600 ते 1500, गोल्टी कांदा ः 1600 ते 1800, जोड कांदा ः 100 ते 600.
गुरुवारच्या तुलनेत आज शुक्रवारी प्रतवारीनुसार झालेली वाढ अशी झाली आहे. एक नंबर कांद्याच्या जास्तीत जास्त भावात 200 रुपयांनी वाढ झालेली आहे. तसेच कमीत कमी एक नंबर कांद्याच्या भावात 300 रुपयांची वाढ झाली आहे. दोन नंबरच्या कमीत व जास्तीत जास्त भावात 300 रुपयांची वाढ झालेली आहे. तीन नंबर कांद्याच्या भावात कमीत कमी भाव स्थिर असून जास्तीत जास्तमध्ये 300 रुपयांची वाढ झाली आहे. गोल्टी कांद्याच्या भावात कमीत कमी भावात 300 रुपयांनी तर जास्तीत जास्त 200 रुपयांची वाढ जालेली आहे. जोड कांद्याचे भाव स्थिर आहेत.
गेल्या दोन ते तीन दिवसांपासून कांद्याला चांगला भाव मिळू लागला आहे. त्यामुळे कांदा उत्पादकांमध्ये आनंदाचे वातावरण निर्माण झालेले आहे. कांद्याला आणखी भाव मिळण्याची शक्यता व्यक्त केली जात आहे. शेतकऱ्यांनी कांदा विक्रीस आणताना त्याची प्रतवारी करून तो विक्रीस आणावा, असे आवाहन बाजार समितीच्या संचालक मंडळासह सचिवांनी केले आहे.
Post a Comment