राहात्यात कांद्याच्या भावात वाढ...

राहाता ः राहाता बाजार समितीत कांद्याच्या साडे पाच हजार कांदा गोण्यांची  आज (बुधवारी) आवक झाली. एक नंबर कांद्याला 1800 प्रतिक्विंटलचा भाव मिळाला. कांद्याचे भाव आज वाढ झाली.

 

राहाता बाजार समितीत कांद्याच्या पाच हजार 697 कांदा गोण्यांची आवक झाली. एक नंबर कांद्याला 1800 रुपयांचा भाव मिळाला होता. कांद्याचे प्रतवारीनुसार भाव ः एक नंबर कांदा ः 1400 ते 1800, दोन नंबर कांदा ः 850 ते 1350, तीन नंबर कांदा ः 400 ते 800, गोल्टी कांदा ः 1200 ते 1400, जोड कांदा ः 100 ते 400.

कांद्याला मागणी की झालेली आहे. त्यामुळे त्याचा परिणाम भावावर होत आहे. कांद्याला मागणी वाढल्यानंतर भाव वाढ होईल, अशी आशा सर्वांना लागलेली आहे. आज कांद्याच्या भावात मात्र  100 रुपायांची वाढ झालेली आहे.

शेतकऱ्यांनी कांदा विक्रीस आणताना त्याची प्रतवारी करून तो विक्रीस आणावा, असे आवाहन बाजार समितीच्या संचालक मंडळासह सचिवांनी केले आहे. 

डाळिंबाच्या भावात घसरण

राहाता बाजार समितीत डाळिंबाची नऊ हजार 540 क्रेडस आवक झाली. मात्र आज डाळिंबाच्या भावात घसरण झालेली दिसून आलेली आहे. एक नंबर डाळिंबाला अवघा 175 रुपये किलोचा भाव मिळाला.  

 

प्रतवारीनुसार भाव ः एक नंबर डाळिंब ः 131 ते 175, दोन नंबर ः 86 ते 130, तीन नंबर ः 41 ते 85, चार नंबर ः अडीच ते 40 रुपये किलो दराने विक्री झाला. डाळिंबासह कांद्याची प्रतवारी करून शेतकऱ्यांनी माल विक्रीस आणावा, असे आवाहन बाजार समितीतर्फे करण्यात आले आहे.