नगर : नेप्ती उपबाजार समितीत गावरान कांद्याच्या सुमारे 26 हजार कांदा गोण्यांची आवक झाली. मागील लिलावाच्या तुलनेत कांद्याला सर्वाधिक भाव मिळाला. एक नंबरच्या लाल कांद्याला 1900 तर गावरान कांद्याला तीन हजाराचा भाव मिळाला.
नेप्ती उपबाजारात समितात शनिवारी सुमारे 25 हजार 924 कांदा गोण्यांची आवक झाली. गावरान कांद्याला सर्वाधिक प्रति क्विंटल 3000 रुपये भाव मिळाला.
गावरान कांद्याचे प्रतिवारीनुसार भाव : एक नंबर कांद्याला 2100 ते 3000 दोन नंबर कांद्याला 1500 ते 2100, तीन नंबर कांद्याला 1050 ते 1500, चार नंबर कांद्याला 500 ते 1050 रुपयांचा भाव प्रतिक्विंटल मिळाला आहे.
लाल कांद्याच्या नऊ हजार 953 गोण्यांची आवक झाली. लाल कांद्याला सर्वाधिक 1900 रुपयांचा भाव मिळाला.
लाल कांद्याचे प्रतवारीनुसार भाव : एक नंबर कांदा : 1400 ते 1900, दोन नंबर कांदा : 950 ते 1400, तीन नंबर कांदा : 450 ते 950, चार नंबर कांदा : 250 ते 450.
गेल्या काही दिवसांपासून कांद्याच्या भावात घसरण होत असल्याने कांद्याचा खर्च निघतो की नाही अशी परिस्थिती निर्माण झाली होती. परंतु आता वाढ होत असल्यामुळे शेतकरी आनंदी झाला आहे.
शेतकर्यांनी कांद्याची प्रतवारी करून विक्रीस आणावा, असे आवाहन बाजार समितीतर्फे करण्यात आले आहे.
Post a Comment