राहाता बाजार समितीत कांद्याला विक्रमी भाव... चार हजाराचा टप्पा ओलांडला...

राहाता ः राहाता बाजार समितीत कांद्याच्या सुमारे साडेचार हजार कांदा गोण्यांची आज (सोमवारी) आवक झाली. एक नंबर कांद्याला विक्रमी भाव मिळाला. कांद्याने चार हजाराचा टप्पा ओलांडल्याने कांदा उत्पादक खूश झालेले आहेत.

राहाता बाजार समितीत कांद्याच्या चार हजार 496 कांदा गोण्यांची आवक झाली. एक नंबर कांद्याला आज 4100 रुपयांचा सर्वाधिक भाव मिळाला.

कांद्याचे प्रतवारीनुसार भाव ः एक नंबर कांदा ः 3500 ते 4100, दोन नंबर कांदा ः 2550 ते 3450, तीन नंबर कांदा ः 1300 ते 2500, गोल्टी कांदा ः 2400 ते 2600, जोड कांदा ः 400 ते 1300.

शुक्रवारच्या तुलनेत आज कांद्याच्या भावात विक्रीमी वाढ झालेली आहे. शुक्रवारी एक नंबर कांद्याला जास्तीत जास्त 3200 चा भाव मिळाला होता. 

आज सोमवारी त्यात सुमारे 900 रुपयांची वाढ झालेली आहे. कमीत कमी कांद्याच्या एक नंबर भावात आज 800 रुपयांची वाढ झालेली आहे. 

दोन नंबर कांद्याच्या जास्तीत जास्त भावात 800 रुपयांची वाढ झालेली आहे. तसेच कमीत कमी भावात पाचशेची वाढ झालेली आहे. 

तीन नंबर कांद्याच्या जास्तीत जास्त भावात 500 रुपयांची तर कमीत कमी भावात दोनशे रुपयांची वाढ झालेली आहे. गोल्टी कांद्याच्या एक नंबर भावात दोनशे रुपयांची वाढ झालेली आहे. कमीत कमी भावात 400 रुपयांची वाढ झालेली आहे. 

जोड कांद्याच्या जास्तीत जास्त भावात 200 रुपयांची तर कमीत कमी भावात 100 रुपायांची वाढ झालेली आहे.

आज कांद्याच्या एक ते तीन नंबरच्या भावात सर्वाधिक वाढ झालेली आहे. गोल्टी व तीन नंबरच्या भावात वाढ झालेली असली तरी तरी कमी असल्याचे दिसून येत आहे. कांद्याला आज चांगला भाव मिळाल्याने उत्पादकांमध्ये समाधानाचे वातावरण दिसून येत आहे.

शेतकऱ्यांनी कांदा विक्रीस आणताना त्याची प्रतवारी करून तो विक्रीस आणावा, असे आवाहन बाजार समिआहे.च्या संचालक मंडळासह सचिवांनी केले आहे