विद्यार्थ्यांनी आपल्या कल्पनाशक्तीने आकर्षक शुभेच्छापत्र साकारले होते. शरद पवार यांचे रेखाटलेले चित्र, त्यांच्यावर कविता, त्यांच्या विविध छायाचित्रांचा समावेश करुन शुभेच्छापत्रे आकर्षकपणे सजविण्यात आली होती.
मुख्याध्यापक शिवाजीराव लंके यांच्या कल्पनेतून रयत शिक्षण संस्थेचे अध्यक्ष ना. शरद पवार यांच्या वाढदिवसानिमित्त शुभेच्छापत्र बनवा स्पर्धा घेण्यात आली. स्पर्धेत 192 मुलांनी सहभाग नोंदवला. यामधील 81 शुभेच्छापत्र निवडून ती पोस्टाने शरद पवार यांना 81 व्या वाढदिवसानिमित्त पाठविण्यात आली आहे.
या स्पर्धेत सहभागी विद्यार्थ्यांना प्रशस्तीपत्र देऊन सन्मान करण्यात आला. या उपक्रमासाठी विभागप्रमुख सुजाता दोमल, उर्मिला साळुंके, मीनाक्षी खोडदे, सचिन निमसे, राहुल शिंदे, शितल रोहोकले ,जयश्री खांदोडे, इंदुमती दरेकर यांनी विद्यार्थ्यांना मार्गदर्शन केले.
या उपक्रमाबद्दल रयत शिक्षण संस्थेचे मॅनेजिंग कौन्सिल सदस्य दादाभाऊ कळमकर, जनरल बॉडी सदस्य ज्ञानदेव पांडुळे, अभिषेक कळमकर, माध्यमिकचे मुख्याध्यापक सुभाष ठुबे यांनी विद्यार्थ्यांचे विशेष कौतुक केले.
Post a Comment