शेवगाव : शहरात पहाटे दरोडेखोरांनी केलेल्या हल्ल्यात पती- पत्नी ठार झाले असून त्यांची सून जखमी झाल्याची माहिती मिळत आहे. बलदवा कुटुंबावर दरोडेखोरांनी हल्ला केला आहे. या घटनेमुळे शेवगाव तालुक्यात खळबळ उडाली आहे.
शेवगाव शहरात आज पहाटे दरोडेखोरांनी धुमाकूळ घातला आहे. बलदवा कुटुंबावर धारदार शस्त्राने हल्ला केला. या हल्लात पती - पत्नी ठार झाले असून त्यांची सून जखमी झाली आहे. तिला उपचारासाठी रूग्णालयात दाखल करण्यात आले आहे. दरोडेखोरांनी घरातील काही ऐवज लुटला आहे.
या घटनेची माहिती मिळताच जिल्हा पोलिस अधीक्षक राकेश ओला, अपर पोलिस अधीक्षक प्रशांत खैरे, स्थानिक गुन्हे शाखेचे पोलिस निरीक्षक दिनेश आहेर यांनी पथकासह घटनास्थळी धाव घेतली आहे. फिंगरप्रिंट, डॉगस्काॅड पथकही पाचारण करण्यात आले आहे.
या घटनेमुळे शेवगाव तालुक्यात एकच खळबळ उडाली आहे. या प्रकरणातील आरोपींना त्वरित जेरबंद करण्यात यायची मागणी नागरिकांमधून होत आहे.
Post a Comment