मुंबई : संपूर्ण महाराष्ट्रातील ग्रामपंचायती, पंचायत समित्या व जिल्हा परिषद कार्यालयांमध्ये छत्रपती शिवाजी महाराजांचा राज्याभिषेक दिन (6 जून 1674) “शिवस्वराज्य दिन” म्हणून साजरा करण्याचा निर्णय घेण्यात आला आहे.
यंदा कोरोना प्रतिबंधविषयक नियमांचे पालन करुन राज्यातील सर्व जिल्हा परिषदा, पंचायत समित्या व ग्रामपंचायतींमध्ये हा दिन साजरा करण्यात आहेे.
ग्रामविकास विभागाने एक जानेवारी 2021 रोजीच्या परिपत्रकान्वये यासंदर्भातील सूचना सर्व मुख्य कार्यकारी अधिकाऱ्यांना दिल्या आहेत. शिवस्वराज्य दिन जिल्हा मुख्यालय येथे पालकमंत्री यांच्या प्रमुख उपस्थितीत व जिल्हा परिषद पदाधिकारी, अधिकारी यांच्या उपस्थितीत साजरा करण्यात येईल.
त्याचबरोबर शिवस्वराज्य दिन पंचायत समित्या, ग्रामपंचायतींमध्ये पदाधिकारी, अधिकारी व कर्मचारी यांच्या उपस्थितीत साजरा करण्यात येईल. शासनाने कोरोना प्रतिबंधाबाबत जारी केलेल्या सर्व नियमांचे पालन करुन हा दिन साजरा करावा, असे आवाहन करण्यात आले आहे.
या दिवशी राज्यातील सर्व ग्रामपंचायती, पंचायत समित्या व जिल्हा परिषद कार्यालयांमध्ये सकाळी सर्व पदाधिकारी, अधिकारी, कर्मचारी यांनी भगव्या स्वराज्यध्वजासह शिवशक राजदंड स्वराज्यगुढी उभारुन त्यास अभिवादन करावे व राष्ट्रगीत व महाराष्ट्र गीताचे गायन करुन कार्यक्रम घेण्यात यावा, अशा सूचना देण्यात आल्या आहेत. यापुढे दरवर्षी 6 जून रोजी हा कार्यक्रम आयोजित करण्यात येणार आहे.
Post a Comment