अकोलेत कांद्याला मिळाला इतका भाव...

अकोले : येथील कृषि उत्पन्न  बाजार समितीमध्ये  आज (गुरुवारी) 1583 कांदा गोण्यांची आवक झाली. एक नंबर कांद्याला 2411 रुपयांचा प्रतिक्विंटल भाव मिळाला.

अकोले बाजार आवारात रविवार, मंगळवार, गुरुवार  या तीन  दिवशी लिलाव होत आहेत. शेतकरी वर्गाने आपला कांदा  योग्य बाजार भाव मिळण्यासाठी  लिलावाच्या दिवशी  सकाळी 7 ते 11 वाजेपर्यंत  व कांदा 50 किलो बारदान गोनित, वाळवून, निवड  करुन बाजार समितीमध्ये विक्रीसाठी  बाजार समितीत आवारात आणावा.   

                                                   

बाजार आवारात प्रवेश करताना प्रवेशद्वारावरच प्रत्येकाने हाताला सॅनेटाईज करणे, नाकाला व तोंडाला मास्क लावणे, बाजार आवारात कुणीही थुंकू नये, सोशल डिस्टनसिंग या नियमांचे काटेकोरपणे पालन  करावअसे आवाहन बाजार समितिचे सभापती परबतराव नाईकवाडी, उप सभापती भरत देशमाने, संचालक व सचिव अरुण आभाळे यांनी केले आहे.

कांद्याचे बाजार भाव

एक नंबर कांदा : 1901 ते 2411, दोन नंबर कांदा : 1601 ते 1900, तीन नंबर कांदा :801 ते 1600, गोल्टी कांदा : 800 ते 1400, खाद 200 ते 400 प्रमाणे बाजार भाव मिळाले आहेत.