नगर ः जिल्ह्यातील कोरोना बाधितांचा आकडा कधी कमी जर कधी जास्त होत आहे. मंगळवारी जिल्ह्यात 411 बाधित आढळून आलेले होते. त्यात आज (बुधवारी) 57 ने घट झालेली आहे.
जिल्ह्यात कोरोनाचा प्रादुर्भाव अाटोक्यात यावा, यासाठी जिल्हा प्रशासनाचे प्रयत्न सुरु आहे. या प्रयत्नांवर काही बेफिकिरांकडून पाणी फेरण्याचे काम सुरु आहे. प्रशासनाने जारी केलेल्या आदेशात कोरोना प्रतिबंधात्मक उपाययोजनांची अंमलबजावणी केली जात नसल्याने अनेकदा समोर आलेले आहे.
अशांवर प्रशासनाकडून कारवाई होत असली तरी काहींची बेफिकीरी सुरु आहे. आता प्रशासनाने बेफिकिरांवर आता कडक कारवाई करणे गरजेचे आहे. कडक कारवाई मोहिम राबविली तरच कोरोना अाटोक्यात येण्यास मदत होणार आहे.
जिल्हा रुग्णलयाच्या तपासणी अहवालात 21, खासगी तपासणीत 95 तर अॅंटीजेन चाचणीत 238 जण बाधित आढळून आलेले आहेत. यामध्ये पारनेर तालुक्यात सर्वाधिक 57 रुग्ण बाधित आढळून आलेले आहेत. गेल्या काही दिवसांपासून पारनेर तालुक्याने जिल्ह्यात घेतलेली आघाडी कायम ठेवलेली आहे.
दुसर्यास्थानी आज पाथर्डी तालुक्याने झेप घेतलेली आहे. पाथर्डी तालुक्यात 53 बाधित आढळून आलेले आहे. तिसर्यास्थानी अकोले तालुका असून अकोल्यात 45 जण बाधित आढळून आलेले आहेत. चौथ्या क्रमांकावर आता जामखेड तालुका आलेला आहे. जामखेड तालुक्यात 23 बाधित दिवसभरात आढळून आलेले आहे.
नगर शहरात बाधितांचा आकडा तसा आटोक्यात आलेला आहे. दिवसभरात नगर शहरात फक्त चार बाधित आढळून आलेले आहेत. मात्र नगर तालुक्यात एकूण 19 बाधित आढळून आलेले आहेत. त्यामुळे नगरकरांनाही विशेष काळजी घ्यावी लागणार आहे.
Post a Comment