अकोले ः येथील कृषी उत्पन्न बाजार समितीत गुरुवारी कांद्याचे लिलाव झाले. 1502 कांदा गाेण्यांची आवक झाली. एक नंबर कांद्याला सर्वाधिक 2051 चा प्रतिक्विंटल भाव मिळाला.
येथील कृषि उत्पन्न बाजार समितीमध्ये गुरुवारी कांद्याचे लिलाव झाले. या लिलावात कांद्याच्या 1502 गोण्यांची आवक झाली. यामध्ये एक नंबर कांद्याला 1851 ते 2051, दाेन नंबर कांद्याला 1501 ते 1851, तीन कांद्याला 801 ते 1500, गोल्टी कांद्याला 800 ते 1500, खाद 200 ते 400 प्रमाणे बाजार भाव मिळाले आहेत.
मागील लिलावापेक्षा आज कांद्याची आवक वाढली आहे. तीन नंबर कांद्याच्या भावात 100 रुपयांनी वाढ झाली आहे.
अकोले बाजार आवारात रविवार, मंगळवार, गुरुवार या तीन दिवशी लिलाव होत आहेत. शेतकरी वर्गाने आपला कांदा योग्य बाजार भाव मिळण्यासाठी लिलावाच्या आदल्या दिवशी सकाळी अकरा ते चार व लिलावाच्या दिवशी सकाळी सात ते अकरा वाजेपर्यंत व कांदा 50 किलो बारदान गोणीत, वाळ्वून, निवड करुन बाजार समितीमध्ये विक्रीसाठी बाजार समितिचे आवारात आणावा, असे बाजार समितिचे सभापती परबतराव नाईकवाडी, उपसभापती भरत देशमाने, संचालक व सचिव अरुण आभाळे यांनी दिली.
बाजार समितीच्या आवारात प्रवेश करताना प्रवेशद्वारावरच प्रत्येकाने हाताला सॅनेटाईज करणे, नाकाला व तोंडाला मास्क लावणे, बाजार आवारात कुणीही थुंकू नये, सोशल डिस्टनसिंग या नियमांचे काटेकोरपणे पालन करावअसे आवाहन बाजार समितिचे सभापती परबतराव नाईकवाडी, उपसभापती भरत देशमाने , संचालक व सचिव अरुण आभाळे यांनी केले आहे.
Post a Comment