नगर : शहरातील एका सामाजिक कार्यकर्त्या महिलेस तोफखाना पोलिस ठाण्यातील पोलिसाने कारमध्ये नेऊन तिच्यावर जबरदस्तीने करून शिवीगाळ करुन धमकी दिली.
ही घटना नगर मनमाड रोड वरील विळदघाट येथील निंबळक बायपास रोड पुढे 500 मीटर अंतरावर डाव्या बाजूला कच्च्या रस्त्यावर निर्जन ठिकाणी मंगळवारी (दि. 4) रात्री पावणे आठ ते पावणे नऊच्या दरम्यान घडली.
याबाबतची अधिक माहिती अशी की, तोफखाना पोलिस ठाण्यातील पोलिस शकील सय्यद याने त्याच्या पांढऱ्या रंगाच्या स्विफ्ट कारमध्ये शहरातील सामाजिक कार्यकर्त्या 27 वर्षीय महिलेस बसून विळद घाट येथील निंबळक बायपास रोड परिसरातील कच्च्या रस्त्याने वीस फूट आत जाऊन येथील निर्जन ठिकाणी नेले.
जबरदस्तीने तिच्याबरोबर शारीरिक संबंध केले. त्यानंतर तिला अर्वाच्य शिवीगाळ करून हे जर कोणाला सांगितले तर मी तुझ्या विरुद्ध गुन्हा दाखल करील ,असे म्हटले व मी एक पोलिस आहे. माझे मोठ मोठ्या गुन्हेगारांची संबंध आहे असे म्हणून मी तुला कापून फेकून देईन अशी धमकी दिली.
या घटनेने मानसिक धक्का बसल्याने व मनस्थिती ठीक नसल्याने सामाजिक कार्यकर्ता महिला महिला पोलीस स्टेशनमध्ये जाण्याच्या मनस्थितीत नव्हती.
सदर महिलेने शनिवारी (दि. 9) एमआयडीसी पोलिस ठाण्यात जाऊन पोलिस कर्मचारी सय्यद याच्याविरुद्ध भादवि कलम 376 एक 504 506 प्रमाणे गुन्ह्याची नोंद केली अधिक तपास सहाय्यक पोलिस निरीक्षक युवराज आठरे हे करीत आहे.
Post a Comment