पारनेर : लोकप्रनिधींनींना मतदासंघातील विविध विकास कामे करण्यासाठी त्यांच्या मर्जीने निधी देता यावा, यासाठी देण्यात येणाऱ्या स्थानिक विकास निधीमधून विविध गावांमध्ये एक कोटी २१ लाख रूपयांची कामे मंजूर करण्यात आल्याची माहिती आमदार नीलेश लंके यांनी दिली.
गांजिभोयरे येथे कानिफनाथ मंदिरासमोरील सामाजिक सभागृह बांधण्यासाठी १५ लाख, पिंपरीजलसेनच्या काळूबाई मंदिरासमोरील सामाजिक सभागृहासाठी १० लाख, सिध्देश्वरवाडी येथील हनुमान मंदिरासमोरील सामाजिक सभागृहासाठी १० लाख, हत्तलखिंडी येथील ग्रामपंचायत जागेत सामाजिक सभागृह बांधण्यासाठी १० लाख, टाकळीढोकश्वर येथे जिल्हा मराठा समाज संस्थेच्या विद्यालयास जोडणारा रस्ता करण्यासाठी २० लाख, नवनागापूर येथे चेतना कालनी विठठल मंदीर सभागृह बांधण्यासाठी १० लाख, पिंपळगांव वाघा येथे विठठल मंदिर सामाजिक सभागृह बांधण्यासाठी १० लाख, म्हस्केवाडी येथे गणेश मंदीर जागेत सामाजिक सभागृह बांधण्यासाठी १५ लाख, लोणीमावळा येथम मुक्ताई मंदिरासमोर सामाजिक सभागृह बांधण्यासाठी १५ लाख, वारणवाडी येथे वारणवाडी ते पट रस्ता करणे या कामासाठी ६ लाख रूपयांचा निधी मंजूर करण्यात आल्याचे आ. लंके म्हणाले.
आ. लंके म्हणाले, राज्याचे उपमुख्यमंत्री तथा अर्थमंत्री अजित पवार यांनी कोरोनाचे संकट असतानाही अर्थसंकल्पामध्ये मतदारसंघातील विविध विकास कामांसाठी भरीव निधीची तरतूद केली आहे. सुमारे १०० कोटी रूपये खर्चाची कामे सध्या मतदारसंघात सुरू आहेत.
मतदारसंघाचा सर्वागिण विकास करण्याच्या हेतूने कोणताही राजकिय अभिनिवेश न ठेवता सर्व गावांना समान न्याय देण्याचे आपले धोरण असल्याचे त्यांनी स्पष्ट केले.
Post a Comment