अमर छत्तीसे
श्रीगोंदा : वादग्रस्त कोनशिलेवरुन आमदार बबनराव यांचे समर्थक चांगलेच संतापले होते. यावरून काही थेट आरोग्य विभागाच्या अधिकार्यांना धारेवर धरत झालेली चूक सुघारण्याची सूचना केली. काहींनी तर आक्रमक भूमिका घेत आंदोलन हाती घेण्याच्या हालचाली सुरु केल्या होत्या.ा परंतु ती वादग्रस्त कोनशिला प्रशासनाने काढून टाकत आता नव्याने बसविण्याची हालचाल सुरु केली आहे. त्यामुळे पाचपुते समर्थक आनंदी झाले आहेत.
तीन दिवसापूर्वी श्रीगोंदा ग्रामीण रुग्णालयात आमदार बबनराव पाचपुते यांच्या स्थानिक विकास निधीतून उभारलेल्या ऑक्सिजन प्लँटचे उदघाटन पालकमंत्री हसन मुश्रीफ यांच्या हस्ते झाले.
मात्र या कार्यक्रमाची कोनशीला पाहिल्यावर आमदार पाचपुते यांचा पारा चांगलाच चढला. ज्या अधिकार्यांनी माझे नाव खाली टाकण्याची चूक केली आहे. त्यांच्या विरोधात हक्कभंग प्रस्ताव दाखल करणार असल्याचे त्यांनी सांगितले.
या घटनेमुळे भाजपाच्या कार्यकर्त्यांमधून नाराजी व्यक्त करण्यात आली. प्रशासनाच्या या ढिसाळ कारभाराच्या विरोधात वरिष्ठांकडे तक्रारी करण्याचा मनोदय अनेकांनी व्यक्त केला. असा प्रकार वारंवार घडू नये, यासाठी कोनशिला प्रकरणात दोषी असणार्यांवर निलंबनाची कारवाई करण्यात यावी, अशी मागणी होत आहे.
पण या सर्व प्रकाराने प्रशासनाचे चांगलेच धाबे दणाणले व तात्काळ जिल्हा शल्यचिकित्सक डॉ. सुनिल पोखर्णा यांनी काष्टी येथे आमदार बबनराव पाचपुते यांची भेट घेऊन चर्चा करून माफीनामा सादर केला. या घडलेल्या चुकीच्या प्रकारावर पडदा टाकण्याचा प्रयत्न केला.
त्यानंतर सोमवारी तीन वादग्रस्त कोनशिला हटविण्यात आली आहे. आंदोलने होऊ नये, तसेच प्रशासनाच्या अडचणीत आणखी वाढ होऊ नये या हेतूने ही कोनघ्यावा.-टविण्यात आल्याची माहिती सूत्रांकडून देण्यात आली. प्रशासनाच्या या भूमिकेचे स्वागत ही करण्यात येत आहे. मात्र नव्याने तातडीने कोनशिला बसविण्यात यावी, अशी मागणी पाचपुते समर्थकांमधून होत आहे.
प्रशासनाच्या चुकीच्या कामावर आपण नाराजी व्यक्त करून अधिकार्यांना या चुकीची जाणीव करून दिलेली आहे. अशा घटना टाळण्याची विनंती प्रशासनाला केलेली आहे. हटवलेल्या कोनशिलेच्या जागेवर चुकीची दुरुस्ती करून तातडीने कोनशिला बसविण्यासाठी प्रशासनाने पुढाकार घ्यावा. - रमेश गिरमकर, युवा नेते, भाजप
Post a Comment