पारनेर ः पारनेर बाजार समितीत कांद्याचे लिलाव आज (बुधवारी) झाले. कांद्याची आवक 29 हजार गोण्या आवक झालेली आहे. एक नंबर कांद्याला 3600 रुपयांपर्यंत भाव मिळाला आहे. मागील लिलावाच्या तुलनेत कांद्याच्या भावात आज 400 रुपयांची घसरण झाली आहे.
पारनेर बाजार समितीत 29 हजार 14 कांदा गाेण्यांची आवक झाली हाेती. यामध्ये एक नंबर कांद्याला आज फक्त 3600 रुपयांचा भाव मिळाला. मागील लिलावाच्या वेळी एक नंबर कांद्याला 4000 रुपयांचा भाव मिळाला. मागील लिलावाला कांद्याची आवक 17 हजार 362 एव्हढी होती. त्यात आज वाढ झाली. आवक वाढल्यानेच कांद्याच्या भावावर परिणाम झाल्याचे उत्पादकांमधून बोलले जात आहे.
कांद्याचे प्रतवारीनुसार भाव ः 3500 ते 4000, दाेन नंबर कांद्याला 2500 ते 3400, तीन नंबर कांद्याला दीड हजार ते 2400 व चार नंबर कांद्याला 500 ते 1400 रुपयांचा भाव प्रतिक्विंटल मिळाला.
शेतकर्यांनी कांद्याची प्रतवारी करूनच कांदा विक्रीस आणावा, असे अावाहन पारनेर बाजार समितीतर्फे करण्यात आले आहे.
Post a Comment