नेवासा ः माजी खासदार यशवंतराव गडाख यांच्या भेटीमुळे नवी ऊर्जा व लढण्यास बळ मिळाले
आहे. ही ऊर्जा घेऊन मी माझा संघर्ष सुरूच ठेवणार आहे, असे प्रतिपादन माजी मुख्यमंत्री उध्दव ठाकरे यांनी केले.
ज्येष्ठ नेते माजी खासदार यशवंतराव गडाख यांच्या वाढदिवसानिमित्त शुक्रवारी माजी मुख्यमंत्री व शिवसेना उद्धव बाळासाहेब ठाकरे या पक्षाचे पक्षप्रमुख उद्धव ठाकरे व त्यांच्या पत्नी रश्मी उद्धव ठाकरे यांनी सोनई येथील यशवंतराव गडाख यांच्या निवासस्थानी सदिच्छा भेट दिली. या वेळी त्यांनी यशवंतराव गडाख यांना वाढदिवसाच्या शुभेच्छा दिल्या.
याप्रसंगी गडाख
कुटुंबियांच्या वतीने आमदार शंकरराव गडाख यांनी स्वागत करून उद्धव ठाकरे व
रश्मी ठाकरे यांचा सन्मान केला. त्या वेळी ते बोलत होते.
ठाकरे म्हणाले
की गेल्या दीड वर्षांपूर्वीच ज्येष्ठ नेते यशवंतराव गडाख यांना भेटायला मला
यायचे होते. त्यांचे
आशीर्वाद घेऊन आभार मानायचे होते. परंतु त्यावेळेस येता आले नाही. ज्येष्ठ
नेते यशवंतराव गडाख यांनी आमदार शंकरराव गडाख हा लढणारा सैनिक मला संकट
काळात दिला आहे. त्यांना मी कधीही विसरणार नाही, असे ते म्हणाले.
दरम्यान यावेळी स्व. बाळासाहेब ठाकरे व माजी खासदार यशवंतराव गडाख यांच्या मैत्रीच्या आठवणींना उजाळा
दिला.
Post a Comment