नगर : काँग्रेसचे नेते बाळासाहेब थोरात यांच्या कन्येची सक्रिय राजकारणात एन्ट्री झाली आहे. ही एन्ट्री सर्वांनाच भावली आहे. आमदारांची मुलगी असून तिला थेट मोठ्यापदावर संधी न देता तालुका पातळीवर कामाची संधी दिलेली आहे. थोरात यांच्या या निर्णयाचे सर्वच स्थरातून कौतुक होत आहे. संगमनेर तालुका युवक काँग्रेसच्या अध्यक्षपदी जयश्री थोरात यांची नियुक्ती झाली आहे.
तालुका त्यानंतर जिल्हा व राज्याचा कारभार करण्यासाठी जयश्री थोरात राजकारणात सक्रिय होणार आहेत. परंतु त्यांची तालुकास्तरावर झालेली निवडच सर्वांना आश्चर्याचा धक्का देणारी आहे. राज्याचे नेतृत्व करणाऱ्या आमदार बाळासाहेब थोरात यांची कन्या जिल्हास्तरावरील कार्यकारिणीत राहतील, अशी अपेक्षा सर्वांना होती. मात्र त्यांनी तालुका स्तरावरून कामास सुरवात केल्याने त्याचा त्यांना आगामी राजकारणात निश्चित फायदाच होईल, असे राजकीय जाणकारांमधून बोलले जात आहे. थोरात यांनी घेतलेल्या या निर्णायाचे सर्वच स्थरातून कौतुक होत आहे.
जयश्री थोरात यांची संगमनेर तालुका युवक काँग्रेसच्या अध्यक्षपदी नियुक्ती करण्यात आली आहे. जयश्री थोरात या सामाजिक कार्यात सहभागी असणाऱ्या जयश्री थोरात यांनी आता थेट सक्रिय राजकारणात प्रवेश केला आहे.
अशा स्थितीत त्यांनी आपली कन्या जयश्री थोरात यांना तालुका स्तरावर सक्रिय करण्याचा निर्णय घेतल्याचं दिसत आहे. गेल्या काही दिवसांपासून जयश्री थोरात या तालुक्यातील कार्यक्रमांना उपस्थित राहत आहे. आता त्यांच्यावर तालुका पातळीवरील जबाबदारी दिल्याने त्या राजकारणात सक्रिया झाल्याचे यावरून स्पष्ट होत आहे.
जिल्ह्यातील काही आजी-माजी आमदार व खासदार यांची मुले राजकारणात सक्रिय झालेली आहेत. त्यांना मोठमोठी पदेही पक्षांकडून देण्यात आलेली आहे. मात्र थेट मोठी पदे भेटल्याने संबंधितांना कामकाजाचा आढावा नसल्याने अनेकजण अडचणी येत आहेत. तसेच भाषणांमध्ये जी लकब पाहिजे, ती मिळत नसल्याची चर्चा आहे. नवख्यांच्या हाती कारभार दिल्याने कसा बट्याबोळ होतो, हे जिल्ह्याने त्या नेतृत्वातून पाहिलेले आहे. त्यांच्या त्या वागण्यामुळेच सध्या ते अडचणीत आलेले आहेत.
Post a Comment