पारनेर : नवनिर्वाचित खासदारांचे समर्थकावर घरात घुसून गर्भवती महीलेवर केलेल्या हल्ल्याची पोलीस प्रशासानाने गंभीर दखल घेवून कारवाई करावी, अशी मागणी भारतीय जनता पक्षाच्या वतीने करण्यात आली.
महायुतीचे उमेदवार डाॅ सुजय विखे पाटील यांचा प्रचार केला म्हणून मागील दोन तीन दिवसांपासून त्यांच्या समर्थक कार्यकर्त्यांना धमकावण्याच्या घटना घडत आहे. गुरूवारी पारनेर तालुक्यातील एका गावातील कुटुंबाला मारहाण करण्यात आली आहे. महिलांनाही शिविगाळ करण्यात आली आहे, असा आरोप भाजपाचे तालुका अध्यक्ष राहुल शिंदे यांनी केला.
निवडणूक संपल्यानंतर खासदारांच्या समर्थकांनी महायुतीचे उमेदवार डाॅ सुजय विखे पाटील यांचे काम केल्याच्या कारणाने कार्यकर्त्यांना धमकावले जात असल्याच्या घटनांचे पुरावे आपल्याकडे असे पत्रकार परिषदेत सांगितले. याबाबतची तक्रार तोफखाना पोलीस ठाण्यात दिली असल्याचे यांनी पत्रकार परिषदेत सांगितले.
गावात मोठ्या प्रमाणात दहशत निर्माण झाली होती.भीतीपोटी पोलीस स्टेशनलाही जाणे शक्य नव्हते.म्हणून आज नगर येथे तोफखाना पोलीस ठाण्यात जावून आपण फिर्याद दिली असल्याचे त्या महिलेने पत्रकार परिषदेत सांगितले.
भाजपाचे जिल्हाध्यक्ष दिलीप भालसिंग यांनी निवडणूक झाली आम्ही पराभव स्विकारला आहे. पण तुम्ही विजयाचा आनंद साजरा करताना त्रास देण्याची भूमिका घेवू नका तुमच्या कार्यकर्त्यांना आवर घाला कायम मारून टाकण्याच्या धमक्या देता तुमच्याकडे गोळ्या तरी किती आहेत असा सवाल भालसिंग यांनी केला.
यासंदर्भात जिल्हा पोलीस अधीक्षकांची भेट घेवून या घटनेतील सहभागी व्यक्तीवर कारवाई करण्याची मागणी केली.भाजपाच्या प्रदेश कार्यालयाने या घटनेची गंभीर दखल घेतली असल्याचे त्यांनी सांगितले.
महायुतीच्या बाजूने काम केल्याचा राग मनात धरून मागील काही दिवसांपासून लंके समर्थकांकडून विखे समर्थक कार्यकर्त्यांना समाज माध्यमातून धमकावले जात आहे.
दोन तीन दिवसांपासून हे प्रकार घडत आहेत. घरांवर दगडफेक आणि वाहने फोडण्याच्या घटनाही घडल्याने महायुतीच्या कार्यकर्त्यामध्ये संताप व्यक्त होत आहे.
Post a Comment