अहिल्यानगर : चंद्रपुर येथे होणाऱ्या महाराष्ट्र राज्य शिक्षकेतर महामंडळाच्या ५२ व्या राज्य अधिवेशनाची तयारी जोरात सुरू झाली आहे. या अधिवेशनात शिक्षकेतर कर्मचाऱ्यांच्या विविध प्रश्नांवर चर्चा होणार आहे. अहमदनगर जिल्ह्यातील सर्व शिक्षकेतर बांधवांनी अधिवेशनात सहभागी व्हावे, असे आवाहन शिक्षकेतर महामंडळाचे पुणे विभागीय सचिव गोवर्धन पांडुळे यांनी केले आहे.
शिक्षकेतर संघटनेच्या राज्य महामंडळाचे ५२ वे राज्य अधिवेशन शहिद बालाजी रायपूरकर सभागृह, पिंपळनेरी रोड, चिमूर, जि.चद्रंपूर येथे रविवार (ता. १९) रोजी होणार आहे. या अधिवेशनासाठी शिक्षण संचालकांनी परवानगी दिलेली आहे.
हे अधिवेशन यशस्वी करण्यासाठी राज्य अध्यक्ष अनिल माने, सचिव शिवाजी खांडेकर, कार्याध्यक्ष मोरेश्वर वासेकर, पुणे विभागीय सचिव गोवर्धन पांडुळे आणि राज्य महामंडळाचे सर्व पदाधिकारी अहो रात्र झटत आहेत.
त्यामुळे या महत्त्वपूर्ण अधिवेशनात अहिल्यानगर जिल्ह्यातील सर्व शिक्षकेतर कर्मचाऱ्यांनी जास्तीत जास्त संख्येने उपस्थित राहावे असे आवाहन जिल्हाध्यक्ष भीमाशंकर तोरमल, सचिव भानुदास दळवी, कार्याध्यक्ष भागाजी नवले, पुणे विभागीय सचिव गोवर्धन पांडुळे, ज्येष्ठ मार्गदर्शक भाऊसाहेब थोटे, उपाध्यक्ष पद्माकर गोसावी, निवृत्ती लोखंडे, जयराम धांडे, अंतर्गत हिशोब तपासणीस किशोर मुथ्था, खजिनदार विजय हराळे यांनी केले आहे.
Post a Comment