बीड : वाल्मिक कराड याचे समर्थक आणि विरोधकांनी केज कोर्टाच्या परिसरामध्ये मोठी गर्दी केली आहे. गर्दीला पांगवण्यासाठी आणि परिस्थितीवर नियंत्रण मिळवण्यासाठी पोलिसांकडून याठिकाणी सौम्य लाठीचार्ज करण्यात आला आहे.
पोलिसांनी गर्दी पांगवण्यासाठी सौम्य लाठीचार्ज केला. सीआयडीचे पथक वाल्मिकी कराडला घेऊन केजमध्ये दाखल झाले. त्यानंतर या प्रकरणाची सुनावणी झाली आहे.
दरम्यान त्यापूर्वी केजमध्ये वाल्मिक कराडच्या समर्थकांची दादागिरी पाहायला मिळाली. कोर्टाच्या आवारातील गाड्या बाहेर काढण्यासाठी त्यांनी दादागिरी केली, त्यांनी कोर्टाच्या आवारातच न्यायालयांच्या कर्मचाऱ्यांना धमकी दिल्याचे समोर आले आहे.
घटनेच्या 22 दिवसांनंतर वाल्मिक कराड हा आज पुण्यात सीआयडीला शरण आला. त्यानंतर त्याचं मेडिकल चेकअप झाले. वाल्मिक कराड यांच्या रिमांडवर आजच सुनावणी करा अशी विनंती सीआयडीकडून न्यायालयाला करण्यात आली होती. न्यायालयाने सीआयडीची ही मागणी मान्य केली. त्यानंतर आता कराडला केजमध्ये आणण्यात आलं आहे.
Post a Comment