संगमनेर : आपण राज्यघटना आणि संतपरंपरेचा मानवतेचा विचार जपणारे आहोत. पक्ष बदलून उड्या मारल्या असत्या तर आपणही मंत्री झालो असतो परंतु आपण असे कधी केले नाही. चाळीस वर्षे तालुका जपला. शांतता सुव्यवस्था राखत विकास केला मात्र मागील एक वर्षांमध्ये शहरांमध्ये गुंडगिरी दादागिरी वाढली आहे. टोल वसुली भरून अमली पदार्थ संगमनेर मध्ये येत आहेत हे सगळे थांबवण्यासाठी संगमनेर करून म्हणून सर्वांनी संगमनेर सेवा समितीच्या पाठीशी भक्कमपणे उभे रहा असे आवाहन वरिष्ठ नेते बाळासाहेब थोरात यांनी केले आहे.
संगमनेर सेवा समितीच्या उमेदवारांच्या प्रचारार्थ जोर्वे नाका, चैतन्य नगर, बागवानपुरा येथे झालेल्या विविध सभांमध्ये ते बोलत होते यावेळी व्यासपीठावर मा. आ. डॉ सुधीर तांबे, आमदार सत्यजित तांबे, उत्कर्षा ताई रुपवते, अजिज ओहरा, विश्वासराव मुर्तडक, डॉ.अनुराधा सातपुते, लाला पठाण, इसाहक खान पठाण, यांच्यासह सेवा समितीचे विविध पदाधिकारी उपस्थित होते.
यावेळी बोलताना माजी मंत्री बाळासाहेब थोरात म्हणाले की, ही निवडणूक शहर आणि तालुक्याच्या दृष्टीने अत्यंत महत्त्वाची आहे. विधानसभेच्या निवडणुकीमध्ये अनेक चुकीच्या गोष्टी झाल्या आहेत. भाजपा सत्तेसाठी काहीही करते धर्माचा आणि पैशाचा वापर याचबरोबर विविध फंडे वापरले जातात. महाराष्ट्राने बिहारच्या विधानसभा निवडणुकीमध्ये सर्वांनी पाहिले आहे. आपल्या सर्वांना संगमनेरचा किल्ला अधिक मजबूत करायचा आहे मी 40 वर्ष तालुक्याचे प्रतिनिधित्व केले कधीही भेदभाव केला नाही .सर्व समाजाला बरोबर घेतले अगदी विरोधकांनाही बरोबर घेतले. मात्र मागील एक वर्षापासून संगमनेर शहरांमध्ये गुंडागिरी, काळे धंदे वाढले आहेत. अमली पदार्थांची तस्करी वाढली आहे .ड्रग्स, नशेच्या गोळ्या मिळत आहेत. हे सर्व टोल भरून संगमनेर मध्ये येत आहे हे सर्व ओळखा.
आपल्या सर्वांना संगमनेर शहर जपायचे आहे. येथील संस्कृती वातावरण टिकवायची आहे. स्वच्छ सुंदर ,संगमनेर शहराबरोबर बंधू भावाचे वातावरण टिकवायचे आहे. म्हणून आपसातील मतभेद विसरून एकत्र या आता चूक होऊ द्यायची नाही पुन्हा वातावरण चांगले करायचे आहे.
आपण राज्यघटना मानवता आणि संतांचा विचार घेऊन पुढे चाललो आहोत .कधीही विचार बदलला नाही इकडून तिकडे उड्या मारल्या असत्या तर मंत्री झालो असतो. परंतु आपण एकनिष्ठ राहिलो .आपल्याला संगमनेर मध्ये चाललेल्या चुका दुरुस्त करायचे आहेत. महाराष्ट्र दुरुस्त करायचा आणि देश सुद्धा दुरुस्त करायचा आहे.
Post a Comment