पारनेर : गेली तीन आठवड्यांपासून सुरू असलेल्या संदीप पाटील वराळ आरोग्य मंदिर कोविड सेंटरला देणगीचा ओघ सुरू आहे. यामध्ये दहावीच्या माजी विद्यार्थ्यांनी मोठ्या प्रमाणात योगदान दिले आहे. आज (रविवार) १९९८ बॅचच्या दहावीमधील माजी विद्यार्थ्यांनी 45 हजार 844 रूपयांची देणगी दिली आहे.
आपण ज्या गावात शिक्षण घेतले खेळलो बागडलो, लहानाचे मोठे झालो, अशा आपल्या गाव व परिसरातील जनता आज कोरोना संकटाने विचलित झाली आहे. जनजीवन विस्कळित झाले आहे. एकमेकांची मने सैरभैर झाले आहेत. अशा आपल्या समाजबांधवांना मायेचा आधार देण्याची खरी गरज आहे. या भावतेूनच मदत केली जात आहे.
संदीप पाटील वराळ जनसेवा फाउंडेशन व निघोज ग्रामस्थ संचलित संदीप पाटील वराळ आरोग्य मंदिर कोवविड सेंटर सुरू करुन सचिन वराळ व त्यांचे सहकारी तसेच ग्रामस्थांनी लोकांना आधार देण्याचे काम केले आहे.
फूल ना फुलाची पाकळी म्हणून आपण या कोविड सेंटरला मदत केल्यास इतरांनाही सेवाभावी काम करण्याची प्रेरणा मिळेल उत्तेजन मिळेल.
कोरोना संकटाचा मुकाबला करण्यासाठी आपले गावकरी सक्षम होतील, हा उदात्त विचार घेऊन 1998 या बॅचच्या माजी विद्यार्थ्यांनी 45 हजार 844 रूपयांची देणगी संदीप पाटील वराळ जनसेवा फाउंडेशनचे तालुका अध्यक्ष सचिन पाटील वराळ यांच्याकडे सुपूर्द केली आहे.
यामध्ये मुंबई, पुणे व विविध जिल्ह्यांत कार्यरत असणारे अधिकारी आहेत. व्यवसायिक आहेत. हाच खरा ग्रामस्थांचा अभिमान आहे. आमच्या गावची मुले शिक्षण घेऊन मोठी झाली. संकटकाळी मात्र आम्हाला ते विसरली नाहीत व विसरणार सुद्धा नाही.
यावेळी सुशिल पिंपरकर, जगदीश वराळ, आदिनाथ दरेकर, अरुण चौधरी, अहमदनगर जिल्हा परिषद वरिष्ठ अधिकारी संतोष लंके, विजय निचीत, संदीप शिंदे, पोपट ढवळे, शहाजी पवार, संतोष अटक, संभाजी रसाळ, मोहन सुपेकर, पोपट लंके, समीर हावलदार, श्रीकांत पवार आदी उपस्थित होते.
Post a Comment