शहरासह ग्रामीण भागाला दिलासा

नगर : जिल्ह्यात बाधिताचा आकडा कमी झाला आहे. तीन महिन्यातील सर्वात कमी आकडा काल (सोमवारी) आला आहे.  शहरासह ग्रामीण भागाला दिलासा मिळाला आहे.  

जिल्ह्यात आज सोमवारी 283 बाधित आढळून आलेले आहेत. जिल्हा रुग्णालयाच्या चाचणी अहवालात दोन, खाजगी प्रयोगशाळेतील तपासणी अहवालात 134,  तर अँटीजेन चाचणीत 147 असे एकूण 283 कोरोना बाधित आढळून आले. 

पारनेर तालुक्याने जिल्ह्यात आघाडी घेतली. पारनेरमध्ये 45 जण बाधित आढळून आलेले आहेत. राहात्यामध्ये 41, श्रीगोंद्यातमध्ये 29 तर नगर शहरात अवघे अकरा बाधित आढळले आहेत.

शनिवारच्या तुलनेत रविवारी रुग्णांची संख्या वाढली आहे. रविवारच्या तुलनेत सोमवारी रुग्ण संख्येत घट झाली आहे. शनिवारी 308, रविवारी 594 व सोमवारी 283 बाधित आढळून आले आहेत.