जालना : राज्यात कोरोनाची दुसरी लाट पूर्णपणे ओसरली नसली तर रुग्णसंख्या मोठ्या प्रमाणात कमी झाली आहे. याच कारणामुळे विद्यार्थ्यांचे भवितव्य लक्षात घेऊन शाळा सुरु कराव्यात का यावर चर्चा करण्यात येत आहे. शाळा सुरु करण्यासाठी परिस्थिती अनुकूल नसल्याचे समोर आले आहे. त्यामुळे सध्या शाळा सुरु करु नयेत, असे आरोग्यमंत्री राजेश टोपे यांनी म्हटले आहे.
जालना जिल्ह्याच्या दौऱ्यावर आरोग्यमंत्री राजेश टोपे होते. त्यावेळी ते बोलत होते. लहान मुलांना कोरोनाच्या प्रादुर्भावाचा धोका, शाळा सुरु करु नये
नव्या कोरोनाग्रस्तांचा आकडा कमी झाल्यामुळे सध्या निर्बंध शिथिल करण्यात आले आहेत. याच कारणामुळे आता राज्यातील शाळा सुरु करण्यात याव्यात अशी मागणी काही पालकांकडून केली जात आहे.
राज्यात शाळा सुरु करण्यासाठी शिक्षण विभागाने पालकांची मते जाणून घेण्यासाठी सर्वेक्षण चालू केले होते. या सर्वेक्षणात अनेक पालकांनी शाळा सुरू कराव्यात असे दर्शवले होते. मात्र, राजेश टोपे यांनी सध्याच शाळा सुरु करणे योग्य होणार नसल्याचे म्हटले आहे.
अजूनही लहान मुलांचे कोरोना प्रतिबंधक लसीकरण झालेले नाही. त्यामुळे त्यांना कोरोनाच्या प्रादुर्भावाचा धोका जास्त आहे, असे मत आरोग्यमंत्री टोपे यांनी व्यक्त केले आहे.
तसेच 18 वर्षापेक्षा जास्त वय असलेल्या मुलांचे लसीकरण होत असल्याने महाविद्यालय सुरू करण्यास हरकत नसल्याचेही त्यांनी म्हटले आहे.
त्यामुळे अगोदर शाळा सुरु होणार की महाविद्यालय यावर आता खल रंगणार आहे. शाळा सुरु करण्यासंदर्भाच्या हालचाली सुरु करण्यात आलेल्या आहेत.
Post a Comment