पारनेर : गेल्या सहा दिवसांपासून गावोगावच्या कामगार तलाठ्यांनी कुणालाही पूर्वकल्पना न देता संपावर जाण्याचा निर्णय घेतल्याने कामगार तलाठ्यांनी कार्यालयात उपस्थीत राहण्यासाठी राळेगण थेरपाळचे सरपंच पंकज कारखिले व ग्रामस्थांनी तलाठी कार्यालयासमोर भजन आंदोलन केले.
गेल्या सहा दिवसांपासून तहसीलदार ज्योती देवरे यांनी आम्हाला गेली दोन वर्षे अपमानास्पद वागणूक दिली. याचा निषेध करण्यासाठी तहसीलदार कार्यालयातील वरिष्ठ अधिकारी, मंडलाधिकारी व काही गावांचे तलाठी यांनी तहसील कार्यालय परिसरात बैठा सत्याग्रह आंदोलन सुरू केले आहे.
या आंदोलनामुळे गावगावचा कारभार ठप्प झाला आहे. बॅंक तसेच शेती संदर्भात व ईतर कागदपत्रे तलाठी कार्यालय बंद असल्याने मिळत नाही. याबाबत सरपंच पंकजदादा कारखिले यांनी गेली सहा दिवसांपासून सातत्याने कामगार तलाठी व वरिष्ठ अधिकारी यांच्याशी संपर्क केला. मात्र आमचा संप सुरू आहे एवढेच उत्तर संबंधितांकडून येत असते.
दररोज प्रत्तेक गावचे ग्रामस्थ तलाठी कार्यालयात आवश्यक कागदपत्रे मिळण्यासाठी हेलपाटे मारतात. कार्यालय बंद पाहून संबंधित गावच्या सरपंचांना फोन करतात अशाप्रकारे लोकांना मानसिक त्रास होत आहे.
या आंदोलनाची दखल कामगार तलाठी व तहसीलदार ज्योती देवरे यांनी घेण्याची गरज आहे. दखल न घेतल्यास कामगार तलाठी यांच्या घरापुढे भजन आंदोलन करुन कामगार तलाठी यांना तलाठी कार्यालयात उपस्थित राहण्यासाठी प्रयत्न करणार असल्याची माहिती कारखिले यांनी दिली आहे.
या आंदोलनाला योगेश आढाव, सुखदेव कारखिले, शशिकांत कारखिले, दीपक कारखिले, दिनेश कारखिले, सुयश कारखिले, मंगेश कार्ले, शिरीष कार्ले, सचिन गवळी, पोपट काने, राजू कारखिले, माऊली शितोळे, दामोदर कारखिले, निवृत्ती काणे, विलास कारखिले, अंकुश कारखिले, रवींद्र कारखिले, प्रसाद शितोळे, पोपट कारखिले, पांडुरंग बेंडाले, अतुल मोरे, नरेश सोनवणे, संदीप घावटे, बाजीराव रांजणे, बन्सी भानगडे, पंकज कारखिले, नाथा कारखिले, संभा आरनये, शंकर इंगळे, बाळकृष्ण कारखिले, सदाशिव कारखिले, बाजीराव शेवकर, राहुल मोरे, नवनाथ देडगे, संकेत कारखिले, अनिकेत कारखिले, अक्षय कारखिले, अभि कारखिले, विनोद कारखिले, गणेश रामकर, विशाल रामकार, विकी खोदडे आदी होते.
Post a Comment