पाटोदा : नगर जिल्हा परिषदेचे ग्रामविकास अधिकारी झुंबर मुरलीधर गवांदे यांनी सौताडा (ता. पाटोदा , जि. बीड ) दरीत उडी मारून आत्महत्या केली. ते पंचायत समिती श्रीगोंदा कार्यालयात होते.
पाटोदा तालुक्यातील सौताडा येथील श्रीक्षेत्र रामेश्वरच्या धबधब्यावरून एका 50 वर्षीय इसमानी उडी मारून आत्महत्या केली आहे. आत्महत्येची ही घटना आज 24 सप्टेंबरला सायंकाळी पाच वाजेच्या सुमारास घडली.
ही घटना कळताच पाटोदा पोलिस व सौताडा येथील ग्रामस्थ घटनास्थळी भेट दिली. या वेळी धबधब्याजवळ सदरील इसमाची बॅग सापडली. यामध्ये एक ओळख पत्र सापडले.
त्या वरून हा इसम नाव झुंबर मारुती गवांदे ग्रामसेवक पंचायत समिती कार्यालय श्रीगोंदा असे आहे, असे प्राथमिक माहिती आहे. पोलिस निरीक्षक पाटील यांनी घटनास्थळाला भेट देऊन पुढील कार्यवाही सुरू केली. सदर आत्महत्या का केली याचे कारण समजू शकले नाही.
उंचावरून दगडात पडलेल्या मृतदेहाला बाहेर प्रयत्न केले. मात्र यश आले नाही. सकाळी परत शोध घेऊन मृतदेह बाहेर काढण्यात येईल.
सौताड्यातील या घटनेमुळे खळबळ उडाली आहे वनविभागाने संरक्षणाच्या दृष्टीने उपाययोजना करण्याची गरज आहे,अशी मागणी ग्रामस्थांमधून होत आहे.
Post a Comment