नगर : जिल्हा परिषद प्राथमिक शाळेच्या शिक्षकाने पाच ते सहा अल्पवयीन विद्यार्थींनी सोबत गैरवर्तन केल्याची घटना घडली आहे. याप्रकरणी शिक्षकाविरोधात नगर तालुका पोलिस ठाण्यात विनयभंग, पोक्सो कलमान्वये गुन्हा दाखल करण्यात आला आहे.
संतोष एकनाथ माघाडे (वय 34 रा. गंगापूर जि. औरंगाबाद) असे गुन्हा दाखल झालेल्या शिक्षकाचे नाव असून पोलिसांनी त्याला अटक केली आहे.
तो नगर तालुक्यातील एका प्राथमिक शाळेचा शिक्षक आहे. सध्या करोनामुळे जिल्हा परिषदेच्या शाळा बंद असल्यातरी ऑनलाईन शिक्षण सुरू आहे. ऑनलाईन शिक्षणासाठी प्राथमिक शाळेच्या शिक्षकांना शाळेत हजर राहण्याचे आदेश आहे.
शाळेतून ते विद्यार्थ्यांना ऑनलाईन शिक्षण देतात. शिक्षक संतोष माघाडे हा ऑनलाईन शिक्षणाच्या नावाखाली विद्यार्थींनीना शाळेत बोलून घेत असे व त्यांच्याशी गैरवर्तन करत असल्याची बाब समोर आली आहे.
शिक्षकाच्या या गैरवर्तनाची माहिती विद्यार्थींनी घरी सांगितल्यानंतर पालकांनी तालुका पोलिस ठाण्यात फिर्याद दिली आहे. पुढील तपास सहायक निरीक्षक राजेंद्र सानप करीत आहे.
Post a Comment