संगमनेर, श्रीगोंदे अन् अकोेलेत चिंता कायम

नगर ः जिल्ह्यातील कोरोना बाधितांचा आकडा कधी कमी जर कधी जास्त होत आहे. रविवारी जिल्ह्यात 719 बाधित आढळून आलेले होते. 

जिल्ह्यात कोरोनाचा प्रादुर्भाव आटोक्यात यावा, यासाठी जिल्हा प्रशासनाचे प्रयत्न सुरु आहे. या प्रयत्नांवर काही बेफिकिरांकडून पाणी फेरण्याचे काम सुरु आहे. प्रशासनाने जारी केलेल्या आदेशात कोरोना प्रतिबंधात्मक उपाययोजनांची अंमलबजावणी केली जात नसल्याने अनेकदा समोर आलेले आहे.

अशांवर प्रशासनाकडून कारवाई होत असली तरी काहींची बेफिकीरी सुरु आहे. आता प्रशासनाने बेफिकिरांवर आता कडक कारवाई करणे गरजेचे आहे. कडक कारवाई मोहिम राबविली तरच कोरोना आटोक्यात येण्यास मदत होणार आहे.

जिल्हा रुग्णलयाच्या तपासणी अहवालात 207, खासगी तपासणीत 291 तर रॅपिड चाचणीत 221 जण बाधित आढळून आलेले आहेत. यामध्ये संगमनेर तालुक्यात  सर्वाधिक 184 रुग्ण बाधित आढळून आलेले आहेत. 

दुसर्यास्थानी आज श्रीगोंदे तालुक्याने झेप घेतलेली आहे. श्रीगोंदे तालुक्यात 78 बाधित आढळून आलेले आहे. तिसर्यास्थानी अकोले तालुका असून अकोल्यात 64 जण बाधित आढळून आलेले आहेत. चौथ्या क्रमांकावर आता पारनेर तालुका आलेला आहे. पारनेर तालुक्यात 56 बाधित दिवसभरात आढळून आलेले आहे. नगर शहरात बाधितांचा आकडा तसा आटोक्यात आलेला आहे. दिवसभरात नगर शहरात 33 बाधित आढळून आलेले आहेत.