नगर ः दादापाटील शेळके कृषी उत्पन्न बाजार समितीच्या नेप्ती उपबाजार समितीत कांद्याची सुमारे 33 हजार गोण्यांची आवक झाली होती. एक नंबर कांद्याला 1750 रुपयांचा भाव मिळाला.
नेप्ती उपबाजार समितीत शनिवारी कांद्याच्या 33 हजार 27 कांदा गोण्यांची आवक झाली होती. त्यामध्ये कांद्याला सुमारे 1750 रुपयांचा भाव मिळाला आहे. सध्या कांद्याला मागणी कमी झालेली आहे. त्याचा परिणाम भावावर होत आहे. त्यामुळे भाव दोन हजाराच्या आतच आहेत.
कांद्याचे प्रतवारीनुसार भाव - एक नंबर कांदा ः 1450 ते 1750, दोन नंबर कांदा ः 1000 ते 1450, तीन नंबर कांदा ः 500 ते 1000, चार नंबर कांदा ः 250 ते 500.
शेतकऱ्यांनी कांदा विक्रीस आणताना त्याची प्रतवारी करूनच तो विक्रीस आणावा, असे आवाहन बाजार समितीतर्फे करण्यात आले आहे.
Post a Comment