नगर ः दादापाटील शेळके कृषी उत्पन्न बाजार समितीच्या नेप्ती उपबाजार समितीत कांद्याची सुमारे 47 हजार गोण्यांची आवक झाली होती. एक नंबर कांद्याला 2300 रुपयांचा भाव मिळाला.
नेप्ती उपबाजार समितीत शनिवारी कांद्याच्या 47 हजार 334 कांदा गोण्यांची आवक झाली होती. त्यामध्ये कांद्याला सुमारे 2300 रुपयांचा भाव मिळाला आहे. सध्या कांद्याला मागणी वाढू लागली आहे. त्यामुळे भावात वाढ होत आहे.
कांद्याचे प्रतवारीनुसार भाव - एक नंबर कांदा ः 1650 ते 2300, दोन नंबर कांदा ः 1000 ते 1650, तीन नंबर कांदा ः 600 ते 1000, चार नंबर कांदा ः 300 ते 600.
लाल कांद्याच्या तीन हबजार 740 गोण्यांची आवक झाली. यामध्ये कांद्याला सर्वाधिक भाव 1500 रुपयांचा मिळाला. लाल कांद्याला भाव कमी मिळाल्याने शेतकरी नाराज होते.
कांद्याचे प्रतवारीनुसार भाव ः एक नंबर कांदा ः 1150 ते 1500, दोन नंबर कांदा ः 850 ते 1150, तीन नंबर कांदा ः 500 ते 850, चार नंबर कांदा ः 250 ते 500.
शेतकऱ्यांनी कांदा विक्रीस आणताना त्याची प्रतवारी करूनच तो विक्रीस आणावा, असे आवाहन बाजार समितीतर्फे करण्यात आले आहे.
Post a Comment