पारनेर ः येथी कृषी उत्पन्न बाजार समितीत कांद्याच्या सहा गोण्यांची आवक झाली. मागील लिलावाच्या तुलनेत आज कांद्याला 400 रुपयांचा भाव मिळाला. गेल्या अनेक लिलावांच्या तुलनेत हा विक्रमी भाव ठरला आहे.
पारनेर बाजार समितीत आज (बुधवारी) कांद्याच्या सहा हजार 249 कांदा गोण्यांची आवक झाली होती. एक नंबर कांद्याला 2200 रुपये प्रतिक्विंटलचा भाव मिळाला. मागील लिलावाच्या तुलनेत आज कांद्याच्या भावात चारशे रुपयांनी वाढ झाल्यामुळे कांदा उत्पादक शेतकऱ्यांमधून समाधान व्यक्त केले जात आहे. कांद्याला चांगला भाव मिळेल, अशी आशा आता शेतकऱ्यांना लागली आहे.
कांद्याचे प्रतवारीनुसार भाव ः एक नंबर कांदा ः 1900 ते 2200, दोन नंबर कांदा ः 1300 ते 1800, तीन नंबर कांदा ः एक हजार ते 1200, चार नंबर कांदा ः 200 ते 900. आज झालेल्या लिलावामध्ये एक व दोन नंबर कांद्याच्या भावात वाढ झालेली आहे. तीन व चार नंबर कांद्याचे भाव मागील लिलावा प्रमाणेच होते. त्यात काहीच वाढ झालेली नाही.
शेतकऱ्यांनी कांदा विक्रीस आणताना त्याची प्रतवारी करून आणावा, असे आवाहन बाजार समितीचे सभापती प्रशांत गायकवाड व संचालक मंडळाने केलेले आहे.
Post a Comment