राहात्यात कांद्याच्या भावात प्रतवारीनुसार कशी झाली वाढ वाचा

राहाता ः राहाता बाजार समितीत कांद्याच्या सुमारे साडेचार हजार कांदा गोण्यांची आज (बुधवारी) आवक झाली. एक नंबर कांद्याला मंगळवारप्रमाणेच आज बुधवारी मिळाला. कांद्याला 2100पर्यंत भाव मिळू लागल्याने शेतकरी आनंदीत झाला आहे. 

 

राहाता बाजार समितीत कांद्याच्या चार हजार 474 कांदा गोण्यांची आवक झाली. आज सलग दुसर्या दिवशी कांद्याला दोन हजाराच्या पुढे भाव मिळाल्याने शेतकरी आनंदीत झालेला असून कांद्याला आगामी काळात चांगला भाव मिळेल, अशी आशा लागलेली आहे.

 

कांद्याचे प्रतवारीनुसार भाव ः एक नंबर कांदा ः 1700 ते 2100, दोन नंबर कांदा ः 1150 ते 1650, तीन नंबर कांदा ः 500 ते 1100, गोल्टी कांदा ः 1200 ते 1500, जोड कांदा ः 100 ते 500.

 

एक नंबर कांद्याच्या भावात आज वाढ झालेली नसली तरी तरी एक नंबर कांद्याच्या कमीत कमी भावात मात्र 100 रुपयांनीतसेच दोन नंबरच्या कमीत भावात 50 ने व जास्तीत जास्त भावात दीडशे रुपयांनी,  तीन नंबर कांद्याच्या जास्तीत जास्त भावात 100 रुपयांनी, गोल्टी कांद्याच्या कमीत कमी भावात शंभर रुपयांनी व जस्तीत जास्त भावात 200 रुपयांनी तसेच जोड कांद्याच्या जास्तीत जास्त भावात 100 रुपयांनी वाढ झालेली आहे.

 

कांद्याला मागणी की झालेली आहे. त्यामुळे त्याचा परिणाम भावावर होत आहे. कांद्याला मागणी वाढल्यानंतर भाव वाढ होईल, अशी आशा सर्वांना लागलेली आहे. गुरुवारी गोल्टी कांदयाच्या भावात मात्र घसरण झालेली आहे.

शेतकऱ्यांनी कांदा विक्रीस आणताना त्याची प्रतवारी करून तो विक्रीस आणावा, असे आवाहन बाजार समितीच्या संचालक मंडळासह सचिवांनी केले आहे.