जामखेड : जामखेड रस्त्यातील तसेच जवळा येथील जवळेश्वर रथ मार्गावरील खड्डे तातडीने बुजवावेत अन्यथा ठिय्या आंदोलन करणार असल्याचा इशारा जवळा ग्रामपंचायत सदस्या आरती देवमाने यांनी जामखेड येथील सार्वजनिक बांधकाम विभागाला दिला आहे.
आरती देवमाने यांनी निवेदनात म्हटले आहे कि, जामखेड ते जवळा रस्त्यात मोठे खड्डे पडले असून त्यामध्ये छोटे मोठे अपघात होत आहेत. जवळा ते जामखेड या रस्त्यावर मोठ्या प्रमाणात जवळा, नान्नज, धोंडपारगाव, झिक्री, पाडळीसह आदी गावातील व्यावसायिक जामखेडला ये-जा करत आहेत.
त्यामुळे या रस्त्यावरील खड्डे तातडीने बुजविण्यात यावे. तसेच जवळा येथील जवळेश्वर रथ मार्गावर मोठ्या प्रमाणावर खड्डे पडले आहेत.
या रस्त्यावर खड्डे पडल्यामुळे छोठे मोठे अपघात होत आहेत. जवळेश्वर रथ मार्गाचा रस्ता सन २०१७ मध्ये करण्यात आला असून तो रस्ता गावांतर्गत असून खड्डे पडल्याने खराब झाला आहे.
या दोन ही रस्त्यातील खड्डे बुजवून तातडीने दुरुस्त न केल्यास सार्वजनिक बांधकाम विभागाच्या कार्यालयामध्ये 14 ऑक्टोबरला ठिय्या आंदोलन करण्यात येणार असल्याचे आरती देवमाने यांनी यावेळी सांगितले.
Post a Comment