नगर : जिल्हा परिषद पंचायत समिती यांच्या निवडणुकांच्या पार्श्वभूमीवर मनसे सक्रिय झाली आहे. राज ठाकरे यांच्या आदेशाने पक्ष बांधणीसाठी पक्ष संघटनेसाठी महाराष्ट्र नवनिर्माण सेनेचे नेते बाळा नांदगावकर यांचा जिल्हा मेळाव्याचे आयोजन करण्यात आले आहे, अशी माहिती मनसेचे जिल्हा सचिव नितीन भुतारे यांनी दिली.
अहमदनगर शहरात माऊली मंगल कार्यालय नवीन टिळक रोड या ठिकाणी सदर मेळावा होणार आहे. रविवार (ता. 13)ला दुपारी अकरा वाजता हा मेळावा होणार आहे. या मेळाव्या करिता जिल्ह्यातील सर्व कार्यकर्ते मनसे सैनिक व नागरिक उपस्थित राहणार आहेत.
या संदर्भात पक्षाचे जिल्हाध्यक्ष सचिन डफळ, देविदास खेडकर, बाबा शिंदे, दत्ता कोते यांनी जिल्हाभर तालुकानिहाय बैठक घेऊन या मेळाव्याचे नियोजन केले आहे. मनसेचे शहराध्यक्ष गजेंद्र राशिनकर, जिल्हा उपाध्यक्ष मनोज राउत हे या मेळाव्याची जय्यत तयारी करत आहेत.
या मेळाव्या करिता व बाळा नांदगावकर यांचे विचार ऐकण्यास करिता जास्तीत जास्त संख्येने आपण उपस्थित रहावे,.असे आवाहन मनसेचे जिल्हा सचिव नितीन भुतारे यांनी केलेले आहे.
Post a Comment