नगर : कोरोना काळात जिल्हा परिषद शाळेतील शिक्षकांनी जेव्हढा मान-सन्मान कमावला होता. तेव्हढा मान-सन्मान आज वार्षिक सभेत गोंधळ घालून गुरुजींनी गमावला आहे.
अहमदनगर जिल्हा प्राथमिक शिक्षक बँकेची 19वी वर्षिक सर्वसाधारण सभा सुखकर्ता लॉनमध्ये पार पडली. नेहमी प्रमाणेच या सभेत ही शिक्षकांनी गोंधळ घातला. गोंधळाची परंपरा शिक्षकांनी कायम ठेवल्याने नाराजी व्यक्त केली जात आहे.
शिक्षक बँकेची वर्षिक सर्वसाधारण सभा म्हटली की, सर्वसामान्य सभासद व विरोधी मंडळांना बँकेच्या कारभावर बोलण्याचे हक्काचे व्यासपीठ असायचे त्यामुळे वार्षिक सभेला सभासदांची मोठी उपस्थिती असायची परंतु शिक्षक बँकेच्या निवडणुकीच्या पार्श्वभूमिवर होत आहे.
या सभेकरिता सत्ताधा-यांच्या सभासदविरोधी कारभारामुळे सभासदांनी पाठ फिरवल्याचे पहायला मिळाले. त्यामुळे शिक्षक बँकेच्या इतिहासात पहिल्यांदाच सत्ताधारी मंडळावर शिक्षक बँकेची वार्षिक सभा कोरमअभावी अर्धा तास तहकूब करण्याची नामुष्की आज ओढावली. कोरमपूर्ण होताच सभा पुन्हा सुरू झाली. दरवर्षी प्रमाणे यंदाही सभेत गोंधळ झाल्याने शिक्षकांमधून नाराजी व्यक्त होत आहे.
सभागृहात गोंधळ घालणार्या शिक्षकांना पोलिसांनी माईक हातात घेऊन समज दिल्यानंतर गोंधळ आटोक्यात आला. या गोंधळात काही मंडळाचे प्रमुख कार्यकर्ते होते. नेत्यांनी पोलिसांचा हस्तक्षेप होत असल्याचे लक्षात येताच मघ्यस्ती करत सभा सुरळीत सुरू केली.
निवडणूक असल्यामुळे सभासदांपुढे आपले वर्चस्व मिळविण्यासाठी नेत्यांसह कार्यकर्त्यांनी प्रयत्न केले. त्यामुळे हा गोंधळ झालेला आहे. गोंधळ कोणाच्या पथ्यावर पडणार हे येणार्या काळात स्पष्ट होणार आहे.
सभेत अध्यक्षीय भाषण करण्याचा विक्रम अध्यक्ष खेमनर यांनी केला आहे. त्यांच्या रटाळ भाषणाने वादाला थिंणगी पडली. त्यामुळे सभेत गोंधळाला सुरवात झाली.
Post a Comment