कांदा उत्पादकांची दिवाळी गोड होणार...

नगर : कांदा उत्पादकांची दिवाळी गोड होण्याची चिन्हे दिसून येत आहे. कांद्याला पारनेर बाजार समितीत सर्वाधिक 3100 रुपये प्रति क्विंटलचा भाव मिळाला आहे.

गेल्या महिनाभरात पारनेर तालुक्यातील अनेक भागात अतिवृष्टीमुळे कांदा पिकाचे मोठे नुकसान झाले आहे. बाजार समितीत 31 रूपये कांद्याला उच्चांकी भाव मिळाल्याने शेतकरी वर्गाला  दिलासा मिळाला आहे. 

कांद्याच्या भावात वाढ झाल्याने शेतकरांची दिवाळी गोड होणार आहे. पारनेर बाजार समितीच्या आवारात कांदा लिलाव आठवड्यातील 3 दिवस चालू राहील. 

यावेळी 1 ते 2 प्रतिच्या कांद्याला प्रतिक्विंटल 3000 ते 3100 रुपये बाजारभाव मिळाला तर 2 नंबरला 1300 ते 2100 तर 3 नंबरला 300 ते 1200 रुपये प्रतिक्विंटल इतका मिळाला. आठवडयातून दर रविवारी, बुधवारी व शुक्रवारी कांदा लिलाव होत असतात.

कांद्याच्या लिलावात 28 हजार 497 गोण्यांची आवक झाली असल्याची माहिती सचिव शिवाजी पानसरे यांनी दिली आहे. 

पारनेर कृषी उत्पन्न बाजार समितीच्या आवारात रविवारी झालेल्या लिलावात प्रति किलो चांगल्या प्रतीच्या कांद्याला 31 रुपये किलो भाव मिळाला असल्याची माहिती सभापती प्रशांत गायकवाड व उपसभापती विलास झावरे यांनी दिली.