पारनेर : शिक्षक बँकेच्या निवडणुकीत प्रचाराची पातळी अत्यंत खालावली असून काही मंडळे खोके देऊन ओके झाल्याचा भास निर्माण करण्यात धन्यता मानत असल्याचा आरोप शिक्षक परिषदेचे नेते संतोष खामकर यांनी केला आहे.
ज्यांना शिक्षक बँकेच्या सर्वसाधारण सभेचा कोरम पूर्ण करता आला नाही अशांनी सत्तेची स्वप्न पाहू नयेत असा जोरदार टोला खामकर यांनी विरोधकांना लगावला. रावसाहेब रोहोकले यांचे कार्यकाळात एकही भ्रष्टाचाराचा आरोप नसून सभासद सुज्ञ आहेत.कुणी गद्दारी केली. कुणी कुणाला खोके देऊन ओके केले. याची निश्चित जाण सभासदांना आहे.त्यामुळे सभासदांमध्ये रोहोकले गुरुजी प्रणित गुरूमाऊली मंडळाविषयी सुप्त लाट असून रोहोकलेप्रणित गुरूमाऊली मंडळ विक्रमी मतांनी निवडून येणार असल्याचा विश्वास खामकर यांनी व्यक्त केला आहे.
गुरूमाऊली मंडळ चोरले परंतु रोहोकले गुरूजींचा विचार मात्र चोरता येणार नाहीत कारण गुरूजींच्या विचारावर चालण्याची तुमची पात्रताही नाही. ही लढाई विचार व संस्काराची लढाई आहे . रोहोकले गुरुजींच्या उक्तीत व कृतीत फरक नाही त्यामुळे वाडीवस्तीवर काम करणारा सामान्य सभासदांची नाळ त्यांच्या विचारांशी घट्ट झाली आहे.
कोणी कितीही खोके देऊन शिक्षक पुढारी निवडनुकीच्या तोंडावर फोडले तरी त्याचा फारसा फरक पडणार नाही फक्त निवडणूकी पर्यंत ब्रेकींग न्यूज करण्याचे समाधान या लबाड मंडळींना होईल सभासद मात्र हे सर्व ओळखून आहेत ते लबाडांना अस्मान दाखवून परत एकदा इतिहासातील ही मशाल आता मोठा इतिहास घडवणार आहे.
रावसाहेब रोहोकले गुरुजी व प्रविण ठुबे यांचे हात बळकट करणार आहे . जिल्ह्यातील प्रत्येक गुरुजींच्या शाळाशाळांवर जाऊन प्रत्यक्ष सभासदांशी विचार विनिमय करून चर्चा करून त्यांचे प्रश्न समजून घेणे हाच रावसाहेब रोहोकले गुरुजींचा जाहीरनामा आहे . शिक्षक बँकेची भक्कम आर्थिक पायाभऱणी रोहोकले गुरूजींनी केली.
जनमानसात व समाजान शिक्षकांना मान सन्मान व प्रतिष्ठा मिळवून देण्याचे काम शिक्षक बँकेच्या माध्यमाती गुरुजींनी केले . महिला शिक्षक भगिनी वार्षिक सर्वसाधारण सभेला . कधीच उपस्थित राहत नव्हत्या गुरुजींच्या ताब्यात बँक आल्यावर सर्व महिला प्रचंड विश्वास असल्यामुळे सर्वसाधारण सभेला उपस्थित राहू लागल्या.
पूर्ण वेळ वार्षिक सर्वसाधारण सभा चालवून गुरुजींनी इतिहास घडवला .त्यामुळे बँकेची नफाशक्ती वाढली.काही खुज्या विचारांची मंडळी गुरूजींवर पातळी सोडून आरोप करत आहेत. त्यामुळे हि विचारांची लढाई विचाराने लढण्याचे भान हि मंडळी विसरली आहेत. विरोधकांना पराभव समोर दिसत असल्यामुळे ताळतंत्र सोडून प्रचार केला जात आहे.परतु सभासद ह्यांच्या भूलथापांना भुलनार नसल्याचे खामकर यांनी सांगीतले.
शिक्षक बँकेचे उमेदवार प्रवीण ठुबे यांचे संघटनात्मक काम व रोहोकले गुरूजीं विषयी तालुक्यात असलेली विश्वासार्हता या जोरावर पारनेर तालुक्यातून रोहोकलेप्रणित गुरूमाऊली मंडळ पाचशे मताचा आकडा पार करेल असा ठाम विश्वास संतोष खामकर यांनी व्यक्त केला.
तालुक्यात प्रचार करताना सभासदांचा उस्फुर्त प्रतिसाद मिळत असून पारनेर तालुक्यातील सभासद यावेळी इतिहास घडवणार असल्याचा विश्वास खामकर यांनी व्यक्त केला.
Post a Comment