नगर : जिल्हा मध्यवर्ती सहकारी बँकेच्या अध्यक्षपदाच्या रिक्त झालेल्या जागेवर कोणाची वर्णी लागणार याची हालचाल सुरू झाली आहे. अध्यक्षपद हे राष्ट्रवादीकडे असल्याने राष्ट्रवादीच्या गोटातून नियुक्ती केली जाईल, अशी चर्चा सध्या सुरु आहे. परंतु या अध्यक्षपदाच्या निवडी आता नव्याने आमदार मोनिका राजळे व जिल्हा परिषदेच्या महिला बालकल्याण समितीच्या माजी सभापती अनुराधा नागवडे यांच्या नावाची चर्चा सुरु आहे.
जिल्हा बॅंकेचे अध्यक्ष अ‍ॅड. उदय शेळके यांचे दीर्घ आजाराने निधन झाले. त्यामुळे बँकेचे अध्यक्षपद रिक्त झाले आहे. दोन वर्षांपूर्वी झालेल्या निवडणुकीत अध्यक्षपद राष्ट्रवादी काँग्रेसकडे तर उपाध्यक्षपद काँग्रेसकडे देण्याचे ठरले होते. त्यानुसार अ‍ॅड. शेळके यांची अध्यक्षपदी तर अ‍ॅड. माधवराव कानवडे यांची उपाध्यक्षपदी नियुक्त करण्यात आली.
या रिक्त झालेल्या जागेवर कोणाची वर्णी लागणार अशी चर्चा सुरु झाली आहे.
अध्यक्षपद हे राष्ट्रवादीकडे असल्याने प्रशांत गायकवाड, माजी आ.चंद्रशेखर घुले पाटील व माजी आ. राहुल जगताप यांचीही नावे आता चर्चेत आली आहे. या तीन जणाबरोबरच आता सीताराम गायकर यांचे नाव चर्चेत आले आहे.
घुले, गायकवाड, जगताप, गायकर यांच्या ऐवजी आता आमदार मोनिका राजळे व माजी सभापती अनुराधा नागवडे यांच्या नावाची चर्चा सुरु झालेली आहे. यातून एकजणाची अध्यक्षपदासाठी निवड केली जाणार आहे.
राजळे व नागवडे यांच्यात दोन्ही नेत्यांचे पारडे जड आहे. काॅंग्रेसकडून दोन्हींच्या नावाला अनुकूल वातावरण राहणार आहे. आता राष्ट्रवादी कोणाला समर्थ देते, याकडे सर्वांचे लक्ष लागले आहे. आगामी निवडणुका डोळ्यासमोर ठेऊन अध्यक्षपदाची संधी दिली जाणार आहे.
Post a Comment