नेवासा : तालुक्यात गेला काही दिवसांपासून बेकायदा सावकारी जोमात सुरू झाली आहे. कोरोना काळात अनेकांचे अनेकांचे व्यवसाय अडचणीत आलेले आहे.
काहींचे हातचे कामही गेलेले आहे. त्यामुळे आर्थिक अडचणीत आलेल्यांनी सावकारांकडून कर्ज घेतलेले आहेया सावकारांच्या अरेरावीला मात्र अनेक जण वैतागले आहेत.
नेवासा तालुक्यातील कुकाण्यासह परिसरातील गावांमध्ये काही जण बेकायदा सावकारीचा व्यवसाय करीत आहेत. या सावकारांच्या त्रासाला अनेक जण कंटाळले आहेत. सावकारीचा व्यवसाय करणारे काही जण सरकारी नोकरीत असल्याची चर्चा सुरू आहे. या चर्चा दिवसेंदिवस वाढत चालल्या आहेत.
कोरोना काळात अनेक गावातील लोक आर्थिक अडचणीत आलेले आहेत. या अडचणीतून मार्ग काढत अनेकांनी आपला प्रपंचाचा गाडा हाकला आहे. या काळात आर्थिक परिस्थितीवर मात करण्यासाठी काहींनी खाजगी सावकाराकडून कर्ज घेतलेले आहे. कर्जाची फेड ही सुरू आहे. सावकारांची मात्र अरेरावी सुरु आहे.
बेकायदा सावकारी विरोधात तक्रारी करायच्या असतील तर नेमके कोणाकडे करायची असा प्रश्न सर्वसामान्यांना नेहमीच पडत असतो. त्यामुळे आता जिल्हा उपनिबंध कार्यालयाने प्रत्येक गावागावात प्रबोधन करणे गरजेचे आहे. शाळा महाविद्यालयाच्या माध्यमातून हे जन प्रबोधन होणे गरजेचे आहे. त्यामुळेचबेकायचा सावकारीला लगाम लागण्याची शक्यता व्यक्त होत आहे.
Post a Comment