नगर ः प्राथमिक शाळेतील एका वादग्रस्त शिक्षकाला मुख्य कार्यकारी अधिकारी आशिष येरेकर यांनी निलंबित केलेले आहे. हा आदेश जारी करण्यात आलेला आहे. या मुळे शिक्षण क्षेत्रात एकच खळबळ उडाली आहे.
याबाबतची सविस्तर माहिती अशी की , विजय सुभाष जाधव प्राथमिक शिक्षक आहेत. ते मोहा (ता. जामखेड) येथे कार्यरत असताना सन २०२३ -२४ चे वार्षिक तपासणी वेळी तपासणी असलेल्या विस्तार अधिकारी, केंद्रप्रमुखांना धमकावणे, दमबाजी करणे , याबाबतचा अहवाल जिल्हा परिषदेस प्राप्त झाला होता.
त्यामुळे जाधव यांनी जिल्हा सेवा (वर्तणूक ) नियम १९६७ मधील ३ चा भंग केल्याप्रकरणी त्यांना जिल्हा परिषद सेवेतून निलंबित करण्यात आले आहे. निलंबनकाळात त्यांना गटशिक्षणाधिकारी कार्यालय पंचायत समिती नेवासा हे मुख्यालय देण्यात आले आहे .
यापूर्वीच सुभाष जाधव यांनी कर्तव्यात कसूर केल्यामुळे त्यांची विभागीय चौकशी प्रास्तावित करण्यात आली आहे. या चौकशीचा काय अहवाल येतो, याकडे सर्वांचे लक्ष लागलेले आहे.
Post a Comment