बारामती : महाराष्ट्रात नुकत्याच पार पडलेल्या विधानसभा निवडणुकीत 150 मतदार संघात गडबड असल्याचे राष्ट्रवादी काँग्रेस शरद पवारांच्या पक्षाचे माळशिरसचे आमदार उत्तमराव जानकर म्हणालेत. अजित पवार बारामती मतदारसंघात वीस हजार मतांनी पराभूत आहेत, असा दावा यावेळी उत्तम जानकर यांनी केला आहे.
आमदार उत्तमराव जानकर यांनी खासदार राहुल गांधी व राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांच्यासमवेत लवकरच निवडणूक आयोगाकडे या प्रकरणी आम्ही जाणार असल्याची माहिती बारामतीत पत्रकारांशी बोलताना दिली. दिल्लीत आम्ही सगळे मिळून आम्ही निवडणूक आयोगाला भेटणार आहे, असेही ते म्हणाले.
विधानसभा निवडणुकीत अजित पवार यांचे 12, तर एकनाथ शिंदे आणि भाजपचे, असे 107 मतदार निवडून आले असल्याचा मोठा दावा देखील त्यांनी केला आहे.
सरकारने आत्ता जी विधानसभा निवडणूक घेतलेली आहे, त्यामध्ये जवळजवळ दीडशे मतदार संघामध्ये यांनी गडबड केली आहे. यांचे मतदारसंघ किती आलेले आहेत, पूर्ण सखोल माहिती काढल्यानंतर बारामती मतदारसंघात वीस हजार मतांनी पराभूत आहेत.
या मतदारसंघांमध्ये अजित पवार यांनी एक लाख 80 हजार मिळाली आहेत. त्यापैकी एक तृतीयांश प्रपोर्शन इथे देखील लावलेले होते. त्यामुळे युगेंद्र पवार यांची मत ऐंशी हजार अधिक साठ हजार अशी एक लाख 40 हजार आहेत.
त्यातील 60000 मते वजा होतात. त्यानंतर 1 लाख 20 मतांवरती अजित पवार राहतात. अजित पवार यांचे फक्त 12 आमदार या राज्यामध्ये निवडून आलेले आहेत. तर एकनाथ शिंदे आणि भाजपचे 107 आमदार निवडून आलेले आहेत असं वक्तव्य उत्तमराव जानकर यांनी केले आहे.
Post a Comment