जामखेड : तालुक्यातील एका निवासी वसतीगृहात इयत्ता आठवीच्या मुलांना नववीच्या मुलांकडून मारहाण झाली आहे. या मारहाणीचा व्हिडीओ व्हायरल झाला आहे. २१ रोजी ही घटना घडली आहे.
सहाय्यक आयुक्त समाज कल्याण प्रवीण कोरगंट्टीवार यांनी घटनास्थळाला भेट देऊन पहाणी केली आहे. पोलीस निरीक्षक महेश पाटील व मारहाण झालेल्या व मारहाण करणाऱ्या विद्यार्थ्यांचे आईवडिल यांची संयुक्त मिटिंग झाली आहे. कोरगंट्टीवार यांनी त्रिसदस्यीय समिती नियुक्त केली असून ते चौकशी करणार आहेत.
सर्व मुले अल्पवयीन असल्याने सदर प्रकरण मिटवण्याचा प्रयत्न बुधवारी झाला होता. परंतु व्हिडीओ व्हायरल झाला. त्यामुळे प्रशासनाची हालचाल झाली. हे प्रकरण गंभीर असून याची सखोल चौकशी करून विद्यार्थ्यांवर कारवाई होणे अपेक्षीत आहे.
Post a Comment