संगमनेर : संगमनेरमधील तरुणांना व्यसनाधीन करत आहे अशा प्रकारचे बिनबुडाचे आरोप माझ्यावर करणाऱ्यांनी संगमनेरमध्ये जे अवैध धंदे चालत होते, त्यांना नेमका राजकीय वरदहस्त कोण देत होते, हे सर्वांना माहिती आहे. संगमनेरमध्ये एमडी ड्रग्स आणणारे कोण आहे आणि त्यांना कुणाचा आशीर्वाद होता हे फोटोसह आमदार अमोल खताळ यांनी पत्रकार परिषदेत दाखविले.
या प्रकरणाचे सविस्तर माहिती मुख्यमंत्री व गृहमंत्री देवेंद्र फडणवीस यांना देऊन या प्रकरणाची सखोल चौकशी करण्याची मागणी विधिमंडळात करणार असल्याचे आमदार अमोल खाताळ यांनी पत्रकार परिषदेत सांगितले.
संगमनेरमध्ये चार दिवसांपूर्वी मोठी कारवाई झाल्यानंतर तरुणाई माझ्यापासून दूर होते, मी त्यांना व्यसनाधीन करतो आहे. संगमनेरमध्ये अवैध धंदे वाढले आहे असे खोटे आरोप माझ्यावर करून समाजात माझी प्रतिमा मलिन करण्याचा प्रयत्न एक विशिष्ट गट करत आहे.
हा गट, माजी लोकप्रतिनिधी आणि त्यांचे निकट वर्तीय गेल्या अनेक दिवसांपासून एक ठरवून मोहीम राबवत आहे. चार दिवसांपूर्वीच्या कारवाईत एकाच गाडीवर कारवाई झाली, दुसरी गाडी मात्र पळून गेली. त्या गाडीतील माल कोणाचा ? या धंद्याच्या मागे आर्थिक पाठबळ कोणाचे ? या सर्वांचा सखोल तपास व्हावा ही माझी मागणी आहे, असेही खताळ यांनी म्हटले आहे.
Post a Comment