नेवासा : नेवासा शहरात अनेक नागरिक प्रश्न आहे ते सोडवण्यावर आपण भर देणार आहे अशी प्रतिक्रिया आम आदमी पक्षाच्या उमेदवार अनिता संदीप पालवणे यांनी दिली.
आम आदमी पक्षाचे उमेदवार आलवणे म्हणाल्या की, शहरातील पाणीपुरवठ्याची बिकट अवस्था, स्वच्छतेचा बोजवारा आणि तरुणांना खेळासाठी मैदानांचा पूर्ण अभाव या मूलभूत प्रश्नांवर नागरिकांमध्ये तीव्र नाराजी दिसून येत आहे.
दहा-पंधरा दिवसांनी मिळणारे पाणी आणि गल्लीबोळातील अस्वच्छता यामुळे दैनंदिन जीवन विस्कळीत झाले आहे. तर दुसरीकडे युवकांसाठी साधे मैदानसुद्धा उपलब्ध नसल्याने क्रीडा संस्कृतीला मोठा फटका बसत आहे, असे त्या म्हणाल्या.
प्रभाग क्रमांक नऊमधून आपण उमेदवारी करीत असून या प्रभागासह शहरात विकास कामे करण्यासाठी निश्चितच प्रयत्न करणार असल्याचे त्या म्हणाल्या.
पूर्वी निवडून गेलेल्या प्रतिनिधींनी या प्रश्नांकडे पूर्णपणे दुर्लक्ष केले. लोकांच्या त्रासाची खरी जाणीव करून घेऊनच मी निवडणुकीत उभी राहत आहे, असे त्या म्हणाल्या.
ही लढत धनशक्ती विरुद्ध सर्वसामान्य जनतेची आहे. नागरिकांचा विश्वास आणि साथ मिळाल्यास नेवासा शहरात नियमित पाणीपुरवठा, स्वच्छतेची सुधारणा आणि तरुणांसाठी दर्जेदार मैदान उभारणे हे माझे पहिले काम असेल. प्रभाग नऊचा विकास नक्की घडवून आणेन,” असा निर्धार आलवणे यांनी व्यक्त केला.
Post a Comment