नगर ः जिल्ह्यातील कोरोना बाधितांचा आकडा आता वाढू लागला आहे. आज रविवारी दिवसभरात 762 बाधित आढळून आलेले आहेत. यामध्ये संगमनेर, पारनेर, श्रीगोंद्यामध्ये सर्वाधिक रुग्ण आढळून आलेले आहेत.
क्लिक ः एक नंबरच्या भावावर जाऊ नका... प्रतवारीच्या भावावर कांदा विका
कोरोनाचा आकडा सध्या कमी जास्त होत असला तरी आज मात्र बाधितांच्या आकड्यात वाढ झालेली आहे. शनिवारी 731 जण बाधित आढळून आलेले होते. त्यात आज 31ने वाढ झालेली असून 762 जण बाधित आढळून आलेले आहे. बाधितांचा आकडा वाढत असल्याने आता चिंता व्यक्त केली जात आहे.
जिल्हा रुग्णलयाच्या तपासणी अहवालात 176, खासगी तपासणीत 358 तर रॅपिड चाचणीत 228 जण बाधित आढळून आलेले आहेत. यामध्ये संगमनेर तालुक्यात सर्वाधिक 152 रुग्ण बाधित आढळून आलेले आहेत. शुक्रवारच्या तुलनेत संगमनेरमध्ये आज बाधित कमी आढळून आले तरी जिल्ह्यातील संगमनेरने आघाडी कायम ठेवली आहे.
दुसर्यास्थानी आज पारनेर तालुक्याने झेप घेतलेली आहे. पारनेरमध्ये 95 बाधित आढळून आलेले आहे. तिसर्यास्थानी श्रीगोंदे तालुका असून श्रीगोंद्यामध्ये 80 जण बाधित आढळून आलेले आहेत. नगर शहरात बाधितांचा आकडा आज वाढलेला दिसून येत आहे. नगरमध्ये 32 बाधित आढळून आलेले आहेत. शुक्रवारच्या तुलनेत नगरमध्ये एक रुग्णाने वाढ झाली आहे.
Post a Comment