नगर : जिल्ह्यात बाधिताचा आकडा कमी व जास्त होत आहे. बुधवारी बाधितांचा आकडा कमी झालेली होता. आज (गुरुवारी) बाधितांचा आकडा वाढला आहे.
जिल्ह्यात आज गुरुवारी 487 बाधित आढळून आलेले आहेत. जिल्हा रुग्णालयाच्या चाचणी अहवालात 22, खाजगी प्रयोगशाळेतील तपासणी अहवालात 205, तर अँटीजेन चाचणीत 260 असे एकूण 487 कोरोना बाधित आढळून आले.
पाथर्डी तालुक्याने जिल्ह्यात आघाडी घेतली. पाथर्डीमध्ये 65 जण बाधित आढळून आलेले आहेत. श्रीगोंदा तालुका सध्या जिल्ह्यात बाधितांच्या आकड्यात नंबर दोनला आहे. श्रीगोंद्यामध्ये आज 62 बाधित आढळून आलेले आहेत.
गेल्या काही दिवस पारनेरने कोरोनाच्या आकड्यात पहिले स्थान जिल्ह्यात मिळविले होते. आज पारनेरला दिलासा मिळाला असला तरी चिंता कायम आहे. श्रीगोंद्यात 56 जण बाधित सापडलेले आहेत.
नगर शहरात बुधवारी चार जण बाधित आढळले होते. आज 16 जण बाधित आढळले आहेत.
बुधवारच्याच्या तुलनेत आज जिल्ह्यात बाधितांचा आकडा 133ने वाढला आहे.
बाधितांचा आकडा कमी जास्त होत आहे. त्यामुळे नागरिकांनी खबरदारी घेणे गरजेचे आहे.
Post a Comment